«Davra.uz» назорат қилиниши тан олинди

«Ҳуррият» газетаси ушбу янги ижтимоий тармоқнинг «бир қатор афзалликлари бор»лигини айта туриб, қовун тушириб қўйгандек.

«Аввало, у «Tas-IX» тармоғида бўлиб, ундаги маълумотларни республикамиз қонунчилиги ва менталитетимизга мувофиқлиги жиҳатдан назорат қилиш имконияти мавжуд», деб ёзади газета.

Менталитетимиз ва қонунчилигимиз қандай ҳолатларда қандай бўлишини «юқоридаги»лар белгилашини назарда тутсак, «назорат қилиш имконияти»нинг нима эканлиги дарҳол тушунарли бўлади ўқувчига.

Мақолада айтилишича, «Одноклассники» ижтимоий тармоғидан мамлакатимиз аҳолисининг уч миллиони, «ВКонтакте»дан бир миллиони, «Facebook»дан 500 минги фойдаланади.

«Davra.uz»нинг ташкил этилишидан мақсад эса ёшларни ана шу «назоратсиз» тармоқлардан фойдаланишдан тийилишини таъминлаш экани кўриниб турибди. Аммо ёшларнинг ўзи «назоратли» бу тармоқни маъқул кўрармикин?

Рассом Элсевар
Eltuz.com