Ваъдалар пуфагида учиш

Мирзиёевнинг айрим ваъдалари амалга ошмади. Масалан унинг 27 мамлакат сайёҳларига визасиз кириш изни бериш қарори бекор бўлди. Кейинчалик чиқиш визасининг бекор қилиниши ҳақидаги гаплар ҳам расмий матбуот саҳифасидан ғойиб бўлди. Метронинг пенсионерлар учун бепул қилиниши ҳақидаги ваъдаси ҳам пучга чиқди.

Унинг дастуридан, булардан ташқари кам таъминланган аҳолини уй-жой билан таъминлаш, болалар боғчалари ва йўллар қурилишини кенгайтириш, Тошкентни кўкаламзорлаштириш, саноатни ривожлантириш, суд тизимини ислоҳ қилиш, ҳусусий бизнесни эркинлаштириш, солиқ имтиёзлари яратиш ва тадбиркорларни тафтиш қилишни камайтириш ваъдалари жой олган.

Мирзиёевдан бугун сайловчилар ваъдаларнинг ижросини талаб қилишга ҳақли. Чунки у ҳукуматнинг халқ олдидаги жавобгарлигини ошириш ҳақида ҳам ваъда берган.

Рассом Адолат
Eltuz.com