Кимнинг дўсти бўласан?

Россия миллионлаб ўзбек муҳожирларининг иккинчи уйига айланди.

Улар йиллар давомида шу мамлакатда ишлашмоқда ва яшашмоқда.

Ижтимоий тармоқдаги баҳсларга кўз югуртираркан, россия пропагандаси аллақачон ўз қора ишини қилганига амин бўлиш мумкин.

Юртдошларимиз, муҳожирликда кўпроқ ўзлари ксенофобия қурбонлари бўлишларига қарамай, россия шарҳловчиларининг аксилмигрант шиорларини такрорлашади.

Ғарб мамлакатларига сафар қилиш ва уларнинг турмуш тарзини таққослаш имкониятларига эга бўлмай туриб, улар Россия медиаси яратган бузуқ таассуротга кўникишган.

Улар, «Европани гейлар ва муҳожирлар», Украинани эса – фашистлар эгаллаганига ишонишади.

Улар Меркелни сўкиш, Путинни эса мақташдан нарига ўтишмайди. Уларнинг ўз мамлакатлари матбуоти эса бундан ҳам ёлғончироқ ва муқобил аҳамият касб этолмайди.

Рассом Туз рус пропагандаси таъсирига тушган ўзбек муҳожири қиёфасини чизади.

Рассом Туз
Eltuz.com