Ўзбекистон Маданият вазирлиги вандализм фактини текширмоқда
Ўзбекистон халқ рассоми Баҳодир Жалоловнинг Қўқон театри деворига ишланган «Ғарб ва Шарқ учрашуви» дея номланган фрескаси Қўқон шаҳри амалдорлари тарафидан вайрон қилингани юзасидан Маданият вазирлиги текширув бошлади.
Асарлари Британия, Италия, Испания музейлари, Букингем саройи, Третьяков галереясида осиғлиқ ўзбек рассоми деворий расми, «Анҳор.ўз» сайти журналисти Мансур Иброҳимовга кўра, «ўзбекларнинг диний менталитетига зид келгани учун хокимият тарафидан вайрон килинган».
Таниқли санъатшунос Наталья Мусина фэйсбукдаги саҳифасида Баҳодир Жалоловнинг бу асари санъат ишқибозлари ва сайёҳлари диққатини тортиб келгани ҳақида ёзади:
«Фақат шу фрескани кўриш учун дунёнинг маърифатли инсонлари ва сайёҳлари турли мамлакатлардан келишарди ва келишмоқда! Менинг ўзим Франциядаги, Россиядаги, Германиядаги дўстларимни олиб борганман. Уларнинг барчаси Баҳодир Жалолов фрескаларининг кўриб мутаассир бўлишган!»
Бу Баҳодир Жалоловнинг вайрон қилинган илк асари эмас. Шу йил бошида «Элтуз» нашри айни рассомнинг «Дом кино»даги фрескаси президент Шавкат Мирзиёевнинг буйруғи билан вайрон қилингани ҳақида ёзган эди.
Рассом Кирпи
Eltuz.com