Асосий мавзулар
20 апрел 2018

Чех полицияси ўзбек UBER киракаши фаолиятини тўхтатди

Анъанавий таксига муқобил, оддий киракашларга бойиш имконини берадиган Uber такси хизмати шу кунгача дунëдаги минглаб ўзбекларни бадавлат қилди.

Шу билан бирга, бизнеснинг бу тури боис кўнгилсизликларга йўлиқаëтган ўзбеклар ҳам талай.

Чехия пойтахтида 100 дан ортиқ ўзбек Uber такси ҳайдайди, шулардан бири 31 ëшли Ҳаëтулло Бойбоевдир. 19 апрель куни Прага аэропортида полиция уни тўхтатиб, халқаро нусхадаги ҳайдовчилик гувоҳноманг йўқ, деб сўроқ қилди.

Бойбоевнинг сўзларига кўра, унинг қўлида Ўзбекистонда берилган ҳайдовчилик гувоҳномаси бўлган.

«Элтуз» мухбири Прага полицияси билан ҳам гаплашди. Полиция ҳодимига кўра, қонун халқаро ҳайдовчилик ҳужжатини талаб қилади.

Бойбоев «Элтуз» мухбири билан суҳбатида чех полицияси унга қўпол муносабатда бўлганини айтди.

Бироқ чех полицияси ходимининг «Элтуз»га билдиришича, қўпол муносабатни Бойбоевнинг ўзи бошлаган ва полициячиларга қараб бақирган.

«Шунга қарамасдан, чех тилини билмагани боис биз саволларимизга жавоб бера олмаган бу ўзбек ҳуқуқбузари билан максимиум хушмуомала бўлдик, сўроқ пайтида видеокамера ишлаб турган, истасангиз кўришингиз мумкин», деди Прагадаги Васлав Ҳавел номидаги аэропорт полицияси ходими.

Полициянинг Uber таксичиларига бўлган бундай муносабатига яна бир сабаб Чехияда анъанавий таксичиларнинг Uber киракашларига қарши сурункали давом этаётган норозиликларидир.

Сал олдин рақобатга чидай олмаган маҳаллий таксичилар Бойбоевнинг машинаси фараларини синдиришган, шунингдек, унга таҳдид ҳам қилишганди. Ҳаëтулла багажида олиб юрадиган ярим метрлик ханжари ëрдамида тажовузкорларни ҳайдаганини айтади.

Бойбоев унга солинган 2000 доллар миқдоридаги жаримани қандай тўлашини билмайди, машина эса унга Прагада яшайдиган асли бухоролик тадбиркор тарафидан ижарага берилган эди.

Бироқ барибир у муаммоларини ҳал қилиб, чех тилини ўрганиб, чех гувоҳномасини олиб, Прагада Uber таксичилик қилмоқчи, чунки бундан-да сердаромад ишни кўрмаган.

Eltuz.com

Тағин ўқинг
17 январ 2018
Ўтган йили турли даражадаги ҳокимларнинг зўравонлиги, сўконғичлари, қўл остидагиларга бўлган қўпол муомаласига оид хабарлар, ижтимоий тармоқлардаги бу ҳақдаги фикр-мулоҳазалар ...
29 март 2021
Автомобилда отвёртка борлиги учун ҳайдовчи автомобили Йўл- патруль хизмати ходими томонидан тинтув қилингани ижтимоий тармоқларда шов-шувга сабаб бўлди. 23 ...
2 март 2018
19 йиллик тутқунликдан кейин «Эрк» демократик партияси фаоли 54 ёшли журналист Юсуф Рўзимуродов 22 февраль куни Чирчиқ қамоқхонасидан озод ...
9 декабр 2020
Ўғирланган ва халқаро майдонга олиб чиқиб кетилган активларни ўз мамлакатига қайтариш коррупцияга қарши глобал курашнинг муҳим воситасидир.  Бу клептократлар ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...