Cатира
29 июн 2018

Куни ғариб мавзуларга қолган ўзбек матбуоти

Ўзбекистонда 27 июнь Матбуот ва оммавий ахборот воситалари ходимлари куни сифатида нишонланди. Шу куни ҳукумат расмийлари ўзлари «зўр санаган» журналистларга мукофотлар беришди, айрим журналистлар эса ваъда қилинган мукофотдан маҳрум этилишди.

Масалан, Газета.уз нашрининг ёзишича, аввалига танлов ҳайъати нашрга сим қоқиб, уларнинг журналисти Никита Макаренко «Йил журналисти» номинацияси бўйича ғолиб чиққанини хабар қилишган.

Кейин эса уни чақириб, мукофотдан маҳрум этилганини билдиришган.

«Буни мен шаънимга етказилган оғир таҳқир дея ҳисоблайман. Шахсан менинг фикримча, бу билан улар айни тадбирларда мустақил журналистлардан ҳурсанд эмасликларига аниқ ишоратни намойиш қилишди», дейди Макаренко Газета.узда чоп этилган интервьюсида.

Севишганлар мавзуси порахўрлик мавзусидан кўра бехатарми?

Лекин одамларнинг энг эсида қолгани ҳукумат тақдирлаган «йилнинг энг зўр журналистлари» эмас, севишганларни пойлаб, кўчада «ўпишиш» муаммосини кўтариб чиққан «Менинг юртим» канали бўлди.

Кўрсатувда унинг бошловчиси 22 яшар Бадриддин Ҳусниддинов ёшлар олдига камера билан қўққисдан бориб сўроққа тутгани ҳақида 2 апрель куни «Элтуз» мақола босган эди.

Лекин осон мавзу излаб хомтаъма бўлган журналистларни 3 апрель куни Ўзбекистон Адлия вазирлиги расмий огоҳлантирди.

Ўзларини ахлоқ жандарми ўрнида кўрган журналистлар бу сафар чиндан ҳам одамларнинг шахсий ҳаётига дахл қилиб, журналистика меъёрларини бузишган эди.

Хабар сайтлари сирли тарзда тўсилиб, кейин ишлаб кетди

Матбуот куни арафасида бир ҳафтадан ортиқ Кун.уз, Соф.уз, Азон.уз, Қалампир.уз, Хабар.уз каби энди қаддини ростлаётган ахборот сайтлари ёппасига тўсилиб қолди.

Сайт мутасаддилари буни «техник носозликлар»га йўйишди ва бу барча сайтлар сирли ишора билан айни 27 июндан ишлаб кетди.

Президент Мирзиёев чиқишларидан руҳланиб, жиддий танқидий мақолалар ёза бошлагани ҳақидаги изоҳларга жавоб қолдирган фейсбук юзери Муҳиддин Жабборов аввалгига нисбатан «ошкора чиқишлар» бўрттирилаётганини билдиради.

«Бунақа «пиар»ларнинг ғарбда аллақачон миси чиққан. Ўзбекистонда ҳали қайси ОАВ мустақил равишда йирик, арзирли бирор муаммони кўтариб чиқдики, у қонунчилик ёки ислоҳотларда кескин бурилиш ясай олди!? Ҳаммаси ўқувчи эътиборини қозониш, аудиторияни кенгайтириш, реклама, даромадни кўпайтириш учун бўляпти. Танқидлар изсиз, таги пуч, охирига етмаган таҳлиллар – мана матбуотимиз. Шундай экан, ўзидан ўзи қаҳрамон ясашга шошмасак яхши бўлар эди, ҳамкасблар! Байрамлар муборак бўлсин!»

Рассом Туз
Eltuz.com

Тағин ўқинг
19 январ 2016
Етти йилдан буён қамоқда қолаётган инсон ҳуқуқлари ҳимоячиси Ғайбулло Жалилов оғир аҳволда Сангородга ўтказилган. Бу ҳақда Eltuzга маҳкумнинг ҳамкасби ...
4 сентябр 2018
Швеция пойтахти Стокгольмда 4-сентябр эрталабдан Гулнора Каримовага пора беришда айбланаётган Telia мобил ширкатининг уч нафар собиқ рахбарлари устидан суд ...
31 май 2017
Жиззах шаҳрида ўтган “Баркамол авлод” спорт мусобақаси гала концертида қатнаша олмаган хонанда Шаҳноза Отабоева лицензиясидан маҳрум қилинди. Хонанда бу ...
6 ноябр 2016
Шанба эрталаб жони узилган Абдулла Орипов тошкентликлар коммунист-мозор деб айтадиган Чиғатой қабристонига дафн қилинишини Eltuz.com манбалари тасдиқлади: «Шоир жасади ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...