Асосий мавзулар
2 май 2023

ИШИД етакчиси Ал Қурайший ўлдирилди

Туркия президенти Ражаб Тоййиб Эрдўғон 30 апрел куни кечқурун Туркия разведка кучлари томонидан “Исломий давлат” гуруҳи етакчиси Абулҳусайн Ал-Қурайший (ёки Ал-Қурайший) ўлдирилганини маълум қилди. 

Туркия президенти «ТРТ Турк» каналига берган интервюсида “бу шахс ўтган куни Туркия Миллий разведка ташкилотининг Суриядаги амалиёти чоғида ўлдирилган”,  деди. 

Унинг қўшимча қилишича, турк хавфсизлик кучлари Абулҳусайн Қурайшийни узоқ вақтдан бери кузатиб келаётганди. 

Суриядаги хавфсизлик ва маҳаллий манбалар, бу операция Сурия шимолида жойлашган, Туркия томонидан қўллаб-қувватланган исёнчи гуруҳлар назорати остидаги Жандариш шаҳарчасида бўлиб ўтганини билдирмоқда. 

Рейтерс ахборот агентлигининг ушбу шаҳар аҳолисига таяниб хабар беришича, тўқнашувлар шанба куни кечқурун бошланган ва бир соат давом этган ва ниҳоят портлаш овози билан тугаган.  Шундан сўнг хавфсизлик кучлари одамлар яқинлашмаслиги учун ҳудудни ўраб олди. 

ИШИД 2022-йил ноябрида Сурия жанубида гуруҳнинг аввалги раҳбари ўлдирилганидан кейин Ал-Қурайшийни ўз раҳбари этиб тайинлаган эди. 

2014-йилда “Исломий давлат” экстремист гуруҳи Ироқ ва Сурияда катта ҳудудларни эгаллаб олди ва собиқ етакчи Абу Бакр Ал-Бағдодий ўзини “халифа” деб эълон қилди. 

Ироқ ва Сурияда АҚШ томонидан қўллаб-қувватланаётган кучлар ҳамда Сурияда Эрон ва Россия томонидан қўллаб-қувватланган кучларнинг ҳужумларидан сўнг ИШИД бу ҳудудлардаги назоратини йўқотди. 

Аммо, айтилишича, бу гуруҳнинг минглаб тарафдорлари ҳамон Сурия ва Ироқнинг чекка ҳудудларида яшириниб, кутилмаган ҳужумлар уюштиришга қодир. 

АҚШ бошчилигидаги коалиция кучлари курд кучлари билан биргаликда Сурияда ИШИДга қарши курашни давом эттирмоқда.

@eltuz

Тағин ўқинг
1 май 2016
Eltuz.com бугун Ўзбекистонда банкнинг ўмарилиши мавзусига бағишланган рассом Элсеварнинг янги карикатурасини тақдим этади. Озодлик мухбирига кўра, бутун бошли банкга ...
6 ноябр 2019
Яқинда “Шарқ зиёкори” китоб дўконидан улуғ рус ёзувчиси Лев Толстойнинг “Жахон бестселлерлари” ( аслида “жаҳон” бўлиши керак) туркуми остида ...
6 август 2023
Жиззах вилояти Зарбдор туманидаги “Зарбдор” газетасининг бош муҳаррири Ғуломжон Ҳамзаев Элтузга мактуб йўллаб, мамлакат раҳбариятидан туман ҳокими Зафар Рўзиев ...
25 июн 2016
23 май куни Германиянинг Тошкентдаги элчихонасидан чиқиб озроқ яëв юриб, тошкентликлар орасида “ажралиш ҳайкали” дея ном чиқарган монумент олдига ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...