Асосий мавзулар
28 июн 2023

Эгизакларни ким ўлдирди?

Тошкентлик аёл Дилрабо Шерова акушер-гинеколог Диля Сатаевани 26 ҳафталик эгизак фарзандлари ўлимига сабаб бўлган эҳтиётсизликда айблади.    

25 яшар Дилрабо Шеровага кўра,  22 июн куни белида кучли оғриқ пайдо бўлгач,  тез ёрдам машинасида Тошкент шаҳар Мирзо Улуғбек туманидаги 6-роддомга олиб кетишган.   

Шерованинг иддао қилишича,  унда кучли оғриқ бўлишига қарамай,   қабулхонада узоқ вақт куттиришган ва cўнгра осма укол бериб,  қаровсиз қолдиришган.   

Унинг таъкидлашича,  врач Диля Сатаева унга нисбатан ниҳоятда қўпол муносабатда бўлган.  

«Нега бақирасан, сендан бошқа касал йўқми? Бу нечинчи марта келишинг, уялмасдан тўрт марта ётиб чиқдинг, энди жим кут, деб, жеркиб чиқиб кетти,» дейди Дилрабо Шерова.  

У касалхонанинг гинекология бўлимида кечки соат 21:30 гача ётган ва сўнгра туғруқ столига ётқизилган.  

Шерованинг иддао қилишича, касалхона ходимлари унинг болаларини «қутқаришга уринмаётгани аниқ эди».  

Аёл соат 21:45да биринчи фарзандини дунёга келтиради. 

«Бироқ, хонада туғиш учун ҳеч нарса тайёрланмаган, ҳатто янги туғилган чақалоқни ўраш учун мато ҳам йўқ эди,» деб эслайди у.   

Аёлга икки фарзанди дунёга келишидан олдин, эҳтиёж бўлмасада, наркоз беришади.  Соат 22:45 да Шерованинг иккинчи фарзанди дунёга келади.   

Унинг таъкидлашича, иккала фарзанди ҳам туғилгандан сўнг дарҳол махсус жиҳозларга қўйилмагани учун вафот этган.   

“Фарзандларим ўлими сабаби сўралганда, болани инфексия босган,  қорайиб кетган, деган ёлғон баҳоналар айтилди. УЗД хулосаларидан болалар соғломлиги кўриниб турибди,” деган Дилрабо Шерова Элтузга ултратовуш видеоси ва қўшимча ҳужжатларни йўллади. 

Шерова энди врач Диля Сатаевага нисбатан тегишли чоралар кўришни талаб қилмоқда.

У шикоят билан прокуратурага ҳам ариза ёзишини билдирди.

«Мақсадим, фарзандларим қайтиб келмасада, етарли чора кўрилишини сўраш ва бошқа аёллар мендақа қийналиб виждонсиз врачларга ишониб қолмасликлари учун огоҳлантириш,» деди икки фарзандидан айрилган аёл.     

Тағин ўқинг
1 июн 2016
25 май куни Тошкентда 15 яшар бола бошқарган Nexiaнинг милиция машинасига урилиши оқибатида бир ички ишлар ходимининг ҳалок бўлди. ...
3 март 2016
Бугун трендга таҳорат олиш учун жамоатчилик хожатхоналарига қўйилган обдасталарнинг мусодара қилинаётгани ҳақида хабарлар чиқди. Рассом Элсевар ўзбек ҳукуматининг бозорлардаги ...
12 феврал 2024
Бухоро вилояти Шофиркон тумани Прокуратураси фуқароларнинг мурожаатлларини қонун талаблари доирасида умуман кўриб чиқмаётгани юзасидан Элтузга нусхаси Республика бош прокуратурасига ...
30 декабр 2016
Айни кунларда «мустақил газета» деган баландпарвоз мақом билан чоп этиладиган «Ҳуррият» нашрининг илк сони чиққанига 20 йил тўлаётир. Шу ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...