Асосий мавзулар
11 сентябр 2023

Проректор ҳижобли талабага ётоқ бермади

Чирчиқ Давлат педагогика университети раҳбарияти ушбу университетнинг ўзбек тили ва адабиёти учинчи босқич талабаси Каромат Муқимовага университет ётоқхонасидан жой беришни истамаётир.
Университет раҳбарияти ногирон талаба Каромат Муқимовага ётоқхонада жой олиши учун ҳижобини ечиши шартлигини билдирган.
28 яшар Каромат Муқимова туғма кўзи ожиздир. Кароматни таниган дугоналари унга ўзи истиқомат қилувчи Бўка тумани Янгиобод МФЙдан Чирчиққа ҳар куни қатнашнинг имкони йўқлигини айтишади.
Чирчиқ Давлат педагогика университети ихтиёрида тўрт қаватли ётоқхона бўлиб, бинонинг уч қаватида қиз ва бир қаватида йигит талабалар ўқув йили давомида истиқомат қилишади.
Ўтган жума, 8 август куни талабалар университетнинг ётоқхона беришга масъул мулозимлари билан учрашганлар.
Учрашувда қатнашган талабалардан бирининг Элтузга айтишича, талабалар билан мулоқот пайтида Гуманитар фанлар факультети Ёшлар масалалари ва маънавий-маърифий ишлар бўйича декан ўринбосари Лочин Муҳаммадиев Каромат Муқимовага ҳижобини ечмас экан ётоқхонада унга жой йўқлигини билдирган.
“Лочин Ғайратович ҳамманинг олдида Кароматни изза қилиб кетди. “Яна сиз рўмол ўрадингизми, қўясизми ёки йўқми, яхши қиз эдингизку, қачондан буён рўмол ўраб олдингиз” деди. “Сиз ётоқхонада турмайсиз,” деди. Каромат домлага: “Сиз билан ишим ҳал бўлмайдими?” деб сўраганди, домла “йўқ, хоҳлаган жойингизга бориб шикоят қилинг,” дея ҳикоя қилди талабалардан бири.
Ушбу суҳбатдан кейин Каромат Муқимова университетнинг ёшлар масалалари ва маънавий-маърифий ишлар бўйича биринчи проректори Баҳодир Ҳусанов қабулига борган.
Каромат Муқимованинг дугоналарига айтишича, Баҳодир Ҳусанов ҳам унга айни шартни қўйган.
Проректор ўз кабинети эшигини ёпиб, Каромат қўлида мобил телефони йўқлигига амин бўлгач:
“Сизга айтадиган гапим шу: хоҳлаган қаватда хоҳлаган хонада хоҳлаган инсонингиз билан турасиз, аммо рўмолингизни ечасиз,” дея шарт қўйган.
“Бу қатъиян сизга буйруқ эмас, бу – ниманидир эвазига нимадандир кечиш” дея шартини изоҳлашга уринган проректор.
“Лекин бунга рози бўлмасангиз, токи мен бу университетда бор эканман, ётоқхонага кирмайсиз,” дея шартини ифодалаган Баҳодир Ҳусанов.
Афтидан файласуф Баҳодир Эргашевич Ўзбекистон президентининг гапларини ўз талқинида тушунганга ўхшайди.
“Ўзбекистон — дунёвий давлат ва бундан кейин ҳам шундай бўлиб қолади”, — дея таъкидлаганди Шавкат Мирзиёев май ойида бўлиб ўтган ҳукумат мажлисида.
Шу билан бирга Ўзбекистон президенти миллати, тили, дини ва ижтимоий келиб чиқишидан қатъи назар ҳар бир фуқаронинг виждон эркинлиги таъминланишини билдирганди. Президент “барча диний конфессиялар эркин фаолият юритиши учун зарур шарт-шароитлар яратиб берилиши, мамлакатда миллатлар ва конфессиялар ўртасида тотувлик ва ҳамжиҳатликни таъминлаш сиёсати изчил давом эттирилиши”ни қайд этганди.
Чирчиқ Давлат педагогика университети проректори ўз шартларидан воз кечиб Каромат Муқимовага ётоқхонадан жой берадими ёки йўқ?
Бу саволга жавобни олиши билан Элтуз сизни хабардор қилади.

Тағин ўқинг
16 сентябр 2020
Вашингтон штатидан ўзини «мустақил олим» деб атаган шахс сургундаги ўзбек айирмачиларининг етакчиси учун АҚШдаги агент сифатида рўйхатдан ўтган. Асли ...
1 июн 2020
Илон Маск хусусий ракетаси кўкка учди. Илмнинг чўпчакни енгиши бу!!! Ўзбекистон президенти «дафтарим сувга оқди», дея алжираган каллаварам хотинга ...
23 апрел 2018
Нукус кўчасига бурилишдаги, олдинги винзавод рўпарасидаги озиқ-овқат дўконига қараб кетяпман. Қарасам, байрамона кийинган милиционерлар, байроқча ушлаган талабалар сафланиб туришибди. ...
10 феврал 2021
Қул нечун қул, чунки у бўйнидаги занжирга сиғинади. Кейинги дастурни тайёрлаш ниятида навбатдаги туман прокуратурасига бордим. Раҳбар билан кўришиб, ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...