Асосий мавзулар
25 октябр 2023

Мирзиёев бирданига икки вазирни алмаштирди

Қарши шаҳрида Президент Шавкат Мирзиёев раислигида Қашқадарё вилоятини ижтимоий-иқтисодий ривожлантириш масалалари юзасидан ўтаётган йиғилишда Олий таълим, фан ва инновациялар вазири, ҳамда қишлоқ хўжалиги вазирининг тайинланиши ҳақида эълон қилинди.

Ҳусусан қишлоқ хўжалик вазири этиб Иброҳим Абдураҳмонов тайинланди.         

Қишлоқ хўжалиги вазири Азиз Воитовнинг ишдан олингани ҳақида Элтуз кеча 24 октябр куни хабар берган эди.

43 яшар Азиз Воитов ўтган 2022 йилнинг 22 августида Қишлоқ хўжалиги вазири этиб тайинланган эди.

Бунга қадар у Инвестиция ва ташқи савдо вазири биринчи ўринбосари, «Ўзсаноатқурилишбанк» раиси лавозимларида ишлаган.

Азиз Воитов Тошкент молия институтини «Солиқ ва солиққа тортиш» мутахассислиги бўйича битирган ҳамда Олий ишбилармонлик мактаби «Бизнес бошқаруви» бўйича таҳсил олган.

Ўзбекистон ҳукуматига яқин бир манбанинг айтишича, Азиз Воитовнинг ҳали терговга тортилиши мумкинлигини ҳам истисно этиб бўлмайди.

 Сўнгги селекторлардан бирида Президент Шавкат Мирзиёев Азиз Воитовни назарда тутиб «коррупционер» деган эди.

Айни пайтда президент маслаҳатчиси Одил Қаландарович Абдураҳмонов олий таълим, фан ва инновациялар вазири этиб тайинланди.

Бу ҳақда расман тез орада эълон қилиниши кутилмоқда.

Одил Абдураҳмонов 45 ёшда. У ўтган йил 25 августда Ўзбекистон президентининг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси этиб тайинланган эди.

Абдураҳмонов бунгача Республика олий таълим кенгаши раиси, Тошкент давлат транспорт университети ректори лавозимларида фаолият юритаётган эди.

У Президент администрациясида аввал ҳам ишлаган: бу тузилма Президент девони деб аталган вақтда бош консултант лавозимида, кейинроқ девоннинг ўша пайтдаги ижро аппарати раҳбари Зайнилобиддин Низомиддиновнинг ўринбосари бўлиб ишлаган.

Абдураҳмонов фаолияти давомида Республика бандлик, меҳнат муҳофазаси ва аҳолини ижтимоий ҳимоя қилиш илмий маркази раҳбари ҳам бўлган. 2018 йил 31 июлдан олий ва ўрта махсус таълим вазирининг биринчи ўринбосари этиб тайинланган.

2019 йил апрел ойида Президент администрациясига қайтиб, Абдужаббор Абдувоҳидовга ўринбосар бўлган. 2020 йил июлида Транспорт университети ректори лавозимига ўтказилган.

Абдураҳмонов 2022 йил 8 июндан бошлаб Республика олий таълим кенгаши раиси лавозимида ҳам фаолият юритаётганди. Бу тайинловдан кўп ўтмай кенгашга янги ваколатлар берилганди.

Одил Абдураҳмонов 1978 йилда туғилган, иқтисодиёт фанлари доктори илмий даражасига эга.

Элтуз Ўзбекистон ҳукумат тизимидаги кадрлар алмашинувига оид хабарлар ва янги тайинловларни ёритишда давом этади. Кўрсатувларимизни кузатиб боринг, видеоларимизга лайк босинг. 

Тағин ўқинг
26 сентябр 2017
Самарқанд руҳий касалликлар шифохонаси раҳбарияти устидан ёзилган ариза бўйича 22 сентябр куни Кун.уз нашри икки қисмдан иборат ўз суриштирувини ...
8 апрел 2021
(Шоир ва сиёсатчи Муҳаммад Солиҳ аудиокитобининг давоми. Боши «Элтуз»нинг «Императив» рукнида. Давоми бор.) «Ёшулличилар»нинг ҳаммасини ҳам Нурали Қобул каби ...
15 март 2018
Президент Мирзиёев танқиди ортидан 15 март куни «Тўй-ҳашамлар, оилавий тантаналар, маърака ва маросимлар, марҳумларнинг хотирасига бағишланган тадбирлар ўтказилишини тартибга ...
11 ноябр 2022
Рассом Туз: Азиз оға ини, опа сингил қадрдонларим. Мана хафта айланиб сиз билан биргаман.Матчон Суқилиш: Ничиксизлар, мўччи ойбика ҳам ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...