Асосий мавзулар
5 май 2024

Андижон шаҳар ҳокими тадбиркор мулкини тортиб олмоқчими?

Андижон шаҳар ҳокими Ғофур Абдураҳмонов ўз лавозими ва давлат амалдорларга қариндошлигига ишониб тадбиркорнинг мулкини «кўча» услубида тортиб олмоқда. 

«Малика Люкс» МЧЖ 2010 йилда рўйхатдан ўтган, гавжум нуқтада аҳолига хизмат кўрсатиш билан шуғулланувчи муваффақиятли тадбиркорлик объекти. Тадбиркор …….нинг солиқдан қарзи йўқ, ерга эгалик ҳуқуқи қонунан тасдиқланган. Кадастр ҳужжати ҳам мавжуд. 

Бироқ Андижон шаҳар ҳокими Ғофур Абдураҳмонов учун қонуннинг сўзи бир чақага қиммат. Бир томондан собиқ Миллий Ҳавфсизлик Хизмати раҳбари Рустам Иноятовнинг қудаси, бошқа томондан Давлат Солиқ қўмитаси собиқ раиси Ботир Рахматович Парпиевга жиян бўлган бу «кўча» ҳоким «Малика Люкс» МЧЖга босим билан зўрлик қилиб ерни тортиб олмоқчи. 

Видеоларда тадбиркор «Мен қонунан ҳамма талабларга жавоб бера оламан, ҳоким билан судлаша оламан, фаолиятим қонуний» деса ҳоким унга «дўконингни ёптириб юбораман» деб гўддаяди. Яна бир тасвирда ҳоким сал пастга тушиб «қонун устувор», «судлаша оласиз тўғри, лекин савдолашайлик» дегани аниқ эшитилди. 

Казо-казоларга қариндош, амал отига ўтириб давр сураётган Андижон шаҳар ҳокими бир тадбиркорнинг кичик мулкига қараб қолдими? Тадбиркор 14 йил давомида ишлаб, ҳалол меҳнати билан ишини ривожлантирсаю бир зўравон ҳоким бир кунда барини вайрон қиламан деса – бу қандай мантиққа асосланади? Демак, қонун устувор Янги Ўзбекистонда Андижон шаҳар ҳокими Ғофур Абдураҳмоновнинг сўзи қонундан ҳам устун. 

Андижон ҳокими ўз қўлида ҳеч қандай ҳужжат ёки суд қарори йўқ ҳолда Тадбиркорга мулк ҳужжатинг йўқ дея очиқча тухмат қилиб биноларни буздирмоқчи. Тадбиркор Ўзбекистон фуқароси, Андижон ҳокими ўз ватандошига рейдерлик қилиб тургач, чет элдан инвестор келармиди?

Тағин ўқинг
22 феврал 2021
Наманган вилояти ҳокими президент келган пайтда танқид қилинган маҳаллада бу ерда шароит яхшилангунча яшашини билдирди. — Ҳар куни шу ...
29 декабр 2016
Кечаëтган 2016 йил Ўзбекистон тарихига 27 йил умр сурган мустабид Каримовдан қутулиш йили бўлиб кирди. Лекин воқеалар занжирига қарасак, ...
9 июн 2016
«Ҳуррият» газетаси ушбу янги ижтимоий тармоқнинг «бир қатор афзалликлари бор»лигини айта туриб, қовун тушириб қўйгандек. «Аввало, у «Tas-IX» тармоғида ...
8 март 2021
Рассом Элсевар Eltuz.com
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...