Асосий мавзулар
8 май 2024

МТРКнинг янги раиси ҳам тузоққа туширилдими?

Элтуз нашри МТРКнинг «Спорт» канали директори Зоҳид Каримовни фош этувчи мақоладан кейин миллий телевидение ходимларидан келган мурожаатларни мунтазам равишда эълон қилиб бормоқда. Навбат яна бир бор «Ёшлар» каналидаги коррупцион схемага етди.

Март ойи учун «Ёшлар» каналининг аксарият ходимлари 700-800 минг сўм маош олишди, фақат айрим ходимлар ойлиги 1,5-2 миллионга етди. МТРК раиси ўзгаргач, ходимлар енгиллик бўлишига ишониб, телерадиокомпания иқтисод бўлими бошлиғи Олим Раҳматов ва автопарк бошлиғи Олим Ташановлар кирдикорларини фош қилишди.

«Олим Раҳматов телеканаллар даромадини МТРК миқёсида жамлаб қайта тақсимлайди. Маблағнинг йирик улуши, яъни даромаднинг 70 фоизи Олим Ташановнинг автопаркига ўтказилади. Масалан, бир машина ижараси учун «Ёшлар» канали ойига 30 миллион сўм ўтказади. Бу пуллар машинага эҳтиёт қисм сотиб олиш баҳонаси билан нақдлаштирилиб 4-5 амалдор орасида бўлиб олинади» дейди МТРК ҳисобчиси.

Автопаркдан ортган кичик маблағ ҳам телеканал ходимларга берилмайди. «Ёшлар» канали директорининг биринчи ўринбосари Фарҳод Дилмуродов ва бош бухгалтер Ҳолида Раҳимова қолдиқ маблағни МТРК раҳбарияти орасида тақсимлагач, кейин урвоқ сумма ишчиларга тегади. Текширув арафасида ишчилар ойлиги янада камайтирилиб, «Ёшлар» каналини иқтисодий яроқсиз кўрсатиб янги раисни чалғитишмоқда.

Ёшлар каналига маблағ тақсимлайдиган Бош ҳисобчи Ҳолида Раҳимова  ва телерадиокомпания иқтисод бўлими бошлиғи Олим Раҳматов орасида илиқ, яқин муносабатлар борлигидан бутун жамоа хабардор дея иддао қилади мурожаатчилар.  Шунингдек, Ҳолида Раҳимова ва МТРК раисининг ўринбосари Мадамин ҳожи Сафаров орасида ҳам шундай яқин муносабатлар мавжуд. Шу сабабдан Ҳолида Раҳимова ойликни истаса 800 минг белгилайди, истаса 10 миллион сўм ёзади.

Сизнингча, янги раис автопарк коррупцион схемаси ва «Ёшлар» каналидаги сариқ чақа ойликлардан бехабарми? дея риторик савол қўяди мактуб муаллифи.

Элтуз ЎзМТРК атрофида кечаётган воқеалар ривожини кузатишда давом этади. Каналимизга обуна бўлинг. Лайк босинг. 

Тағин ўқинг
16 феврал 2017
13 январ куни кечга яқин Стокгольмнинг жанубида 35 ёшлардаги чимкентлик Шуҳрат исмли ўзбек мухожири жанжал ортидан пичоқлаб ўлдирилди. Воқеа ...
3 сентябр 2018
Грузиядан чемодон ичида яшириниб Туркияга ўтмоқчи бўлган ўзбекистонлик 27 яшар Ф.Т. исмли аёл ушланди. Турк нашрларининг 1 сентябр куни ...
27 январ 2020
Бугунги замондаги ўзбекнинг қўллари қарсаклардан қавармайдиган бўлиб кетди. Аслида илгари ҳам миллатимизнинг қўли қарсаклардан қавармаган.  Инқилобгача бўлган даврда халқимиз ...
9 октябр 2017
Мажбурий меҳнатни тақиқлаш мавзусида гап кетганда, ҳукуматнинг бу борадаги иккиюзламачилигини кўпчилик ўзини ўзи алдашга ўхшатяпти. Ўзини ўзи алдаш деганда ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...