Асосий мавзулар
9 август 2016

Зулфиқор Мусоқов: «Вандализмга чора кўрилиши керак»

8 август куни Eltuz.com cаҳифасига ўз филми ҳақидаги мақола юзасидан изоҳ қолдирган режиссер Зулфиқор Мусоқов, эфирга қайчилаб узатилган филми юзасидан хатига телерадиоширкатдан ҳануз ҳеч қандай жавоб олмаганини айтди.

11 июл куниёқ Миллий телерадиоширкат раисига сим қоққани, мобил телефони рақами ва электрон почтасига хат қолдирганини билдирган Зулфиқор Мусоқов, шу пайтгача кимдир жавоб берар деган умидда бўлганини ёзади.

rasm1766
Кинорежиссер изоҳидан скриншот.

«Қўнғироқ бўлмагач, мен очиқ хатни эълон қилдим… Оддий одамларнинг шикоятига парво қилмаслик айрим катта амалдорларнинг одатига айланган», дея ёзади таниқли ўзбек режиссери Eltuz.com ФБ cаҳифасида қолдирган ўз изоҳида.

Эслатиб ўтамиз, ЎзТВ томонидан таниқли киночи Зулфиқор Мусоқовнинг “Ватан“ филмини қайчилаб эфирга узатгани ҳақида очиқ хат эълон қилган, бунда у Ўзбекистон Миллий телерадиоширкати раиси Алишер Жўрақулович Хўжаевга эътирозларини билдириб, вандализм сабабини сўраган эди.

Таниқли кинорежиссер ўз очиқ хатида цензурага учраган филмини тириклайин қўли ва оёғи чопилган болага ўхшатади.

Мусоқовга кўра, 11 июл куни Ўз ТВ орқали намойиш қилинган “Ватан” филмининг 8 эпизоди кесиб ташланган.

Фильм намойиши 2016-чемпионат ўйинлари ўтган тунга тўғри келгани боис, ўз томошабинларининг юз мингларга ошганини писанда қилиб, режиссер амалдорлар сукути, уларнинг ўзларини оқлашга жавоблари йўқлигидан эканига ишора қилади.

«Бу билан улар биринчидан ўзларининг мутлақ парвойи фалак эканлари, жазосиз қолишларига ишонишларини намойиш қилишади, иккинчидан эса, безбетлик амалга ошганини эътироф этишади», – дейди ЎзТВ цензурасидан филмига зарар етказилган ўзбек кинорежиссери.

ЎзТВ раиси билан шахсан таниш эмаслиги, унга нисбатан шахсий адовати йўқлигини билдираркан, изоҳи сўнггида у ҳамон рўй берган айни вандализм, безорилик, айбдорларига чора кўрилиши, ёки шунчаки филмни яратувчиларидан узр келтирилишига умидвор эканини айтади.

«Энг муҳими ўзбек картиналарини ёвузларча қайчилаш, бундан кейин рўй бермайди, дея умид қиламан» дея якунлайди eltuz.com cаҳифасида қолдирган изохини Зулфиқор Мусоқов.

Eltuz.com

Тағин ўқинг
21 апрел 2016
«Адолат» газетаси пичоқдан жароҳат олган фуқарони операция қилган шифокор беморнинг яқинларидан пул олгани учун жиноий жавобгарликка тортилгани ҳақида ёзди. ...
18 январ 2017
Шу кунларда, кўплаб ота оналар коллежни тамомлаётган фарзандларига тўрт томонлама шартномани имзолатиш учун иш берувчилар эшигида сарсон бўлишмоқда. Ҳали ...
2 апрел 2016
Эндиликда Ўзбекистонда айғоқчилик қилиш учун СНБа ёлланиш шартмас, аҳоли кўп тўпланган жойларда бирор одамнинг давлатга қаршилигидан гумонингиз бўлса кифоя. ...
30 май 2016
Фарғона шаҳрида ўтган “Универсиада” спорт мусобақаларининг энг қизиқ воқеаси албатта, ёшгина милиционернинг мамлакат бош вазири Шавкат Мирзиёевнинг йўлини тўсгани ...
Блоглар
18 декабр 2017
«Пахтага борасан, дейишди. Агар бормасанг, аризангни ёз ёки ўрнингга одам жўнат, дейишди. Ўзимизнинг ишимиз қолиб, ...
16 декабр 2017
Бундан 31 йил олдин Совет раҳбарияти Олмаота ëшларининг исëнини шафқатсизларча бостирган эди. АҚШ конгресси кутубхонасига ...
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга ...