Cатира
10 феврал 2017

Бир одам учун сўз эркинлиги

Президент Мирзиёев кунора ўтказаётган турли йиғилиш ва учрашувларида давлат амалдорларини аямай танқид қилмоқда.

Мирзиёев 9 январ куни милиция ходимлари учун селектор мажлиси ўтказди. Ўз нутқида у порахўрликда айбланиб ички ишлардан ҳайдалган ходимларни санади.

«Қонун ҳимоячиларининг ўзи жиноят содир этса, оддий одам дардини кимга айтиши керак?» – деди Мирзиёев.

Ҳамма нарсани билувчи

Бундан илгариги, 7 январ куни ўтказган мажлисида у тиббиёт ходимларини порахўрликда айблаганди.

Милиция ходимлари учун ўтказган йиғилишида эса Мирзиёев «ГАИ ходимларининг қандай пора олишини билиши»ни айтди.

«Ўз бурчини элга хизмат тамойилига асосланиб эмас, балки шахсий манфаатлардан келиб чиққан ҳолда бажариш каби амалиётлар давом этмоқда”, деб таъкидлади жумладан Мирзиёев.

Давлат бошқарувига яроқсиз рахбарлар

Бундан илгариги мажлисларида Шавкат Мирзиеевнинг, узоқ йиллар соғлиқни сақлаш ва молия соҳаларида ўзининг ўринбосарлари бўлган, Адҳам Икромов, Рустам Азимовларга дакки бергани телевизорда намойиш этилди.

Президент томонидан танқид қилинган давлат мулозимларининг эса ҳеч бир эътирозсиз, бош эгиб, сукут сақлаши одатий ҳол.

Тажрибасизлиги юзига солинган, таҳлилчилар томонидан кўп йиллардан бери Каримовнинг вориси бўлиши иддао қилинган Рустам Азимов танқидни чурқ этмай ютишга мажбур бўлди.

«Менинг фожиам шундаки, мен сизлар ҳақингиздаги ҳамма нарсани биламан» деди Мирзиёев ўз аъёнларига.

Эҳтимол, унинг мулозимлари ҳам, сўнгги 13 йил давомида ижтимоий иқтисодий масалаларга масъул бўлиб келган мамлакатнинг бугунги рахбари ҳақида кўп нарсаларни билишади.

Бироқ, муаммо шундаки, Ўзбекистонда сўз эркинлиги анъанавий тарзда фақат битта шахс учунгина мавжуддир.

Рассом Туз
Eltuz.com

Тағин ўқинг
27 октябр 2020
Сурхондарё вилоятидаги 41-манзил колонияда қолаётган асли тожикистонлик Абдуғани Эрдонов сенатор Иминов билан учрашувдан сўнг яна озодликка чиқишига умид уйғонгани ...
3 апрел 2015
Ислом Каримов режими ўзининг алоҳида аёлларига эга. Уларнинг отрядлари бугунги кунда ўз ҳуқуқини ҳимоя қилишга уринганларнинг абжағини чиқармоқда. Бироқ ...
12 сентябр 2016
Бош Вазир Шавкат Мирзиёев ўзининг муштумзўрлиги билан, шунингдек, Тошкентдаги аҳоли уй-жойларини, гаражларини бузиш, пойтахт аҳолисини оммавий тарзда шаҳар чеккасидаги ...
25 октябр 2023
Қарши шаҳрида Президент Шавкат Мирзиёев раислигида Қашқадарё вилоятини ижтимоий-иқтисодий ривожлантириш масалалари юзасидан ўтаётган йиғилишда Олий таълим, фан ва инновациялар ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...