Хонанда Наргиз Бойхонова вафот этди

«Ялла» гуруҳининг собиқ солисти бўлган Наргиз Байхонова 24 апрел куни Тошкентнинг Чиғатой қабристонига дафн этилди.

70-80 йиллар ўзбек эстрадаси юлдузларидан бири бўлган Наргиз Бойхонова 23 апрел куни 68 ёшида ёшида вафот этди.

У «Ялла» гуруҳи таркибида 1983 йилгача қўшиқлар куйлаган. У таниқли хонанда Фарруҳ Зокировнинг собиқ рафиқаси бўлган.

Наргиз Бойхонова қўшиқларининг мухлислари унинг ижросидаги «Сен булмасанг ёнимда», «Сияй, Ташкент, звезда Востока» қўшиқларини хануз севиб тинглашади.

Унинг отаси фамилиясини олган Саид Зокиров деган ягона ўғли Москвада тижорат билан шуғулланади.

Саид Зокиров ўтган йили қиз фаразнд кўриб Наргиз Бойхоновани бувилик рутбасига кўтарган эди.

Элтуз таҳририяти марҳуманинг мухлислари, дўстлари ва қариндошларига ўз таъзиясини билдиради.

Eltuz.com