Асосий мавзулар
14 ноябр 2016

Ёлғоннинг фош этилиши ёки Ўзбекистон “буюк ўзгаришлар бўсағаси”да турибдими?

Яқин бир неча ойлар аввал, мустақиллик байрамига тайёргарлик кўраётган пайтимизда, ҳали “буюк йўлбошчи” тирик эканида газеталаримиз “биз буюк ўзгаришлар даврида яшаяпмиз”, дея айюҳаннос солиб ётганди.

Бу ёлғон экан. Биз нафақат бу даврда яшамаган эканмиз, унга яқин ҳам келмаган эканмиз. Аслида биз эндигина “буюк ўзгаришлар бўсағасида” эканмиз. Бу даврга бизни Шавкат Мирзиёев олиб кирар экан.

Буни муваққат президент дахлдор ЎзЛиДеП партиясининг нашри бўлмиш “XXI аср” газетаси (10.11) баралла айтиб, ҳаммамизнинг кўзимизни очди.

Президентликка номзод Шавкат Мирзиёевнинг газетада эълон қилинган дастури таҳлилини ўқиб, шундай хулосага келиш мумкин.

Унда айтилишича, дастурда ифодаланган талай вазифалар ҳозирданоқ амалда жорий этилаётганини эътироф этиш жоиз. Хусусан, иқтисодиётнинг турли соҳаларини ривожлантириш учун 8 та махсус дастур қабул қилинган бўлиб, яқин беш йилда умумий қиймати қарийб 40 миллиард доллар бўлган 657 та инвестиция лойиҳаси амалга оширилади.

Муаллиф шу пайтгача Тошкентда хусусий компаниялар томонидан қурилаётган турар жойлар нархи қимматлигини, уларни фақат ўзига тўқ оилалар “мактабда ўқиётган фарзандлари, ҳатто боғчадаги невара-чевараларига сотиб олаётгани”ни “фош этади” ва Ш.Мирзиёевнинг камбағаллар учун уй-жойлар қуриш режаларини мақтайди.

Мақолада Ш.Мирзиёев дастурида электр таъминотини яхшилаш учун электр станцияларини модернизация қилиш, ишбилармонлик муҳитини яхшилаш учун кичик бизнес ва хусусий тадбиркорликка эркинлик бериш кабилар борлигини эслатар экан, бу номзод “давлатни бошқариш фанини кабинетда ўтириб ёки лаборатория шароитида ўрганмагани”ни билдиради.

Муаллиф Шавкат Мирзиёевнинг дастурида баён этилган ғоялар ва вазифаларнинг рўёбга чиқиши мамлакатимизнинг барча жабҳалари қиёфасини “тубдан ўзгартириши аниқ” эканини таъкидлар экан: “Ватанимиз буюк ўзгаришлар арафасида турибди”, дея башорат қилади.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
2 май 2016
“Народное слово” газетасининг “Жаҳон” ахборот агентлигига асосланиб ёзишича, БМТнинг Нью-Йоркдаги қароргоҳида БМТ Бош Ассамблеясининг 70-сессиясининг расмий ҳужжати сифатида Ўзбекистонда ...
13 август 2017
Бу расм ҳам аслида воқеабанд. Тошкент вилоятининг Ўртачирчиқ тумани Қорасув қишлоғи ҳудудида 2015 йилнинг 20 сентябрида Анвар исмли милиция ...
13 ноябр 2018
Ўзбекистонда шу йилнинг 16 ноябридан электр нархи 44,79 фоиз оширилди. Бу ҳақда хабар берган “Ўзбекэнерго” акционерлик жамияти расмий сайтига ...
20 феврал 2017
Ўзбекистон чорак аср марҳум Ислом Каримовнинг беш тамойили асосида яшаб келди. Бу беш тамойил аслида бир тийинга қимматлиги, қоғоздаги ...
Блоглар
21 сентябр 2020
Аёллар дискриминацияси ва гендер тенгликка қарши ҳаракатлар аввал масжидларда, ички ишлар ходимлари орасида (аёлларни ечинтириб, ...
14 сентябр 2020
Бир танишим бор эди. Ҳозир ўтиб кетган. Икки-уч йилда чорраҳа ёки метро вагонида тўқнаш келиб ...
11 сентябр 2020
“Биз томонларгаям коронавирус инфекция етиб келди. Қишлахта ўн бешта одамда ўша касаллик бор экан”,- деди ...