Cатира
5 декабр 2016

МХХ рассом Вячеслав Охунов ва Шухрат Бобожонов асарларини ёқмоқчи!

2 декабр куни Урганч Сувратлар галереяси бош мухофизи Ширин Тошева галереяда Ўзбекистон Миллий хавфсизлик хизмати (МХХ) томонидан текширишлар бўлгани ҳақида билдирди.

Ширин Тошеванинг сўзларига кўра, ўзини Анвар деб таништирган, шаҳар ҳокимлигининг уч нафар мулозими ҳамроҳлигида келган Урганч шаҳар МХХ ходими, рассом Вячеслав Оҳунов ва Шуҳрат Бобожоновнинг рангтасвир асарларини фонддан олиб чиқиб ёқишни буюрган.

Гап галереяда сақланаётган Совет Иттифоқи Маданият вазирлиги қарори билан ҳарид қилинган Вячеслав Оҳунов ижодига мансуб саккиз ва Шуҳрат Бобожоновнинг ўн олтита суврати ҳақида бормоқда.

Монреал Университети (Канада) санъатшуноси Борис Чуховичнинг фикрига кўра “Афтидан МХХ наздидаги асосий муаммо асарларнинг мазмуни эмас, балки муаллифларнинг исми шарифи бўлган:

“Вячеслав Оҳуновга ҳукумат анча йиллардан бери республикани тарк этишга руҳсат бермай келади, Шуҳрат Бобожонов эса аллақачон эмиграцияда ва мухолифат фаолияти билан шуғулланмоқда”.

Таҳдид фақат ҳукуматни сиёсий танқид қилишга журъат этган муаллифларнинг фақат асарларига нисбатан юзага келган.

Урганч бадиий галереясидаги асарларни йўқ қилинишига қарши бир гуруҳ ташаббускорлар, change.org ижтимоий тармоғида электрон петиция ҳам ташкил этишди.

Асарлар, 2016 йилнинг 1 декабрида ишдан бўшатилган галерея бош мухофизи Ширин Тошеванинг жасурлиги ва маданий қадриятларни ҳимоя қилишга садоқати туфайлигина ҳозирча йўқ қилинмаган.

Бироқ санъат асарлари Ўзбекистон ҳукумати мулозимлари қўли остида қолмоқда ва уларнинг кейинги тақдир номаълум ва ташвишли.

Рассом Туз
Eltuz.com

 

Тағин ўқинг
2 август 2017
Гулнора Каримованинг ўғли Ислом Каримов Би Би Си мухбирига берган интервьюсида бобосидан кейин ҳукуматга келганларни айблади. Марҳум президентнинг арзандаси ...
8 март 2016
Ўзбекистонда чиқаётган газеталар саҳифасига “юксак ислоҳотлар самараси” сифатида оналар ўлими камайгани, коллеж битирувчиларининг уй ишларига “банд” қилинаётгани, ўзбек ҳукуматининг ...
3 ноябр 2015
Улуғбек Ашур Eltuz.com 2 ноябр куни Наманган вилоят радиосининг “Радиомақола” дастурида Озодлик радиоси хақида гап борди. деб хабар берди ...
12 ноябр 2019
Парламент сайлови олдидан “демократия ўйини” ўйнашга киришиб кетган партиялар раҳбарлари билиб-билмай жамиятнинг катта қатлами норозилигига сабаб бўладиган баёнотлар беришда ...
Блоглар
14 сентябр 2020
Бир танишим бор эди. Ҳозир ўтиб кетган. Икки-уч йилда чорраҳа ёки метро вагонида тўқнаш келиб ...
11 сентябр 2020
“Биз томонларгаям коронавирус инфекция етиб келди. Қишлахта ўн бешта одамда ўша касаллик бор экан”,- деди ...
7 сентябр 2020
Бизда бугундан совуқроқ кузак шамоли бошланди. Мен каби совуққа юпқа одамлар енги узун кўйлак кийиб ...