Асосий мавзулар
28 сентябр 2017

«Пахтага чиқмаганга газ баллон йўқ!»

Андижон шаҳрида, маҳалла фаоллари газ баллон бериш ваъдаси билан одамларни пахта теримига жалб қилишмоқда.

«Элтуз» мухбирига кўра, Андижон шаҳридаги Гулчеҳра исмли «Эркин» маҳалла фаоллари йиғини котибаси «Пахта теримига чиқмаган ёки мардикор теримчи ёлламаган фуқароларга пропан газ баллон сотилмаслигини билдирган.

Андижон шаҳар марказида жойлашган «Пиллакаш» махалла фаоллари йиғини фаоллари ҳам уйма уй юриб газ баллон олишни истаганларнинг рўйхатини йиғмоқда.

«Ҳаёт қийинлашиб кетди, икки ойдан бери газ баллон олиб келишмаяпти. Энди бўлса пахтага чиқмасаларинг газ берилмайди дейишаяпти» дейди газ ўчоққа ўтин ёқаётган андижонлик уй бекаси «Элтуз» мухбири билан суҳбатда.

Унинг «Элтуз» мухбирига билдиришича, битта газ баллон 13000 сўм туради, бу кунга бир маҳал овқат ва чой қайнатган тақдирда 15 кунга етиши мумкин.

Бошқа бир суҳбатдош, МФЙ котибидан маълумотнома олиш учун борганида ундан, пахта терими учун пул тўлашни талаб қилгани ҳақида билдирди.

Шунингдек у маҳалланинг табиий газ тармоғидан беш йил бурун узилгани, электр тармоғида ҳам, баъзан 12 соатгача давом этадиган узилишлар борлигини айтади.

Бош вазир Абдулла Ариповнинг 21 сентябр куни мажбурий теримчиларни пахтадан қайтариш ҳақидаги кўрсатмасига қарамай Андижонда талабаларни мажбурий теримга жалб этиш давом этмоқда.

Жумладан, «Элтуз» мухбирининг ўрганишича, Андижон шаҳридаги Спорт коллежи талабалари хамон пахта термоқда.

Eltuz.com

Тағин ўқинг
22 май 2018
Кейинги пайтда “Борига барака” капитал шоуси одамлар хаёлини ўргимчак тўридек ўзига қамраб олди. 7 ёшдан 70 ёшгача ҳамма “Борига ...
4 декабр 2016
4 декабр кунги сайловда қатнашган Халқ Демократик Партиясидан номзод Хатамжон Кетмонов сайловда қатнашиб ўзига овоз берганини матбуотга айтди. «Адолат» ...
6 декабр 2018
Фильмнинг бу қисмида “Рембо”нинг ҳибсга олиниши ҳақида ҳикоя қилинади. “Контора” Рембога қарши туҳмат уюштириш мақсадида махсус гуруҳ тузади. МХХ ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...