Асосий мавзулар
19 март 2019

Наргиза Раҳимованинг аччиқ тажрибаси раҳбарларнинг ижтимоий тармоқдан қочишига сабаб бўлмайдими?

Ўтган ҳафтада ўзбек ижтимоий тармоқларида энг кўп баҳс-мунозараларга Наргиза Раҳимова (Саидова) бош сабабчилардан бири бўлди.

У “қадимчи”ларнинг шундай зарбаларига учрадики, Ўзбекистон ҳуқуқ-тартибот идоралари уни ўз муҳофазасига олишга мажбур бўлди.

Шу пайтгача ижтимоий тармоқларда таҳдидга учраган ўзбекларни Ўзбекистон кучишлатар тизимлари ўз муҳофазасига олганини эшитганимиз йўқ эди.  

Тасанно. Биз ҳам дунё стандартларига етишиб боряпмиз. Инсоннинг барча ҳуқуқлари ҳар доим шу даражада ҳимоя қилиниши керак!

Наргиза Раҳимова давлат мулозими – Ўзбекистон ахборот ва оммавий коммуникациялар агентлиги раҳбарининг ўринбосари ўлароқ, жамиятнинг муайян қатлами назарида қовун тушириб қўйиши билан боғлиқ воқеани эсга олиб нима демоқчимиз?

Гап шундаки, илгарилари ўзбек мулозимлари жамият билан деярли мулоқотга бормас эди. Ўзбекистонда сиёсат ҳақидаги ҳам, иқтисодиёт ҳақидаги ҳам очиқ гапларни фақат бир киши – эндиликда марҳум президент Ислом Каримов айтарди.

Ўша пайтларда ҳатто ташқи ишлар вазири журналистлар билан очилиб мулоқот қилганини биров эслолмаса керак. У ҳам гапирганда, албатта, “президентимиз таъкидлаганидек”, “давлатимиз раҳбари раҳнамолигида” каби ҳимоякор иловалар панасида сўзларди (ва айрим ўзгаришларни айтмаса, ҳозиргача аҳволи шу).

Мулозимларнинг халқ билан очиқ мулоқотдаги тажрибасизлиги бугун уларнинг эркин баҳс-мунозараларга киришишига тўсиқ бўляпти назаримизда.

Ҳозир ҳам икки гапнинг бирини “президентимиз” билан бошлайдиган мулозимларнинг мулоқот майдонларида хато сўзлаб қўйишдан чўчиб тургани сезилади.

Шунга қарамай, амалдорларнинг ижтимоий тармоқларда кўрина бошлагани, аввалдан танлаб олинмаган аҳоли вакиллари билан учрашувлар ўтказаётгани барибир ижобий ҳолатдир.

Наргиза Раҳимованики каби аччиқ тажриба ҳам бошқа амалдорлар учун асқатади. Зеро, улар жамият билан мулоқотда муайян қатламларнинг диний, жинсий, ахлоқий ва ҳоказо қадриятларини ҳисобга олиш кераклигини ўрганади.

Бунга билими ва фаросати етмайдиган, лавозимига номуносиб эканини кўрсатиб қўядиган амалдорларнинг эса сараги саракка, пучаги пучакка ажралиб қолаверади.

Фақат уларга Наргиза Раҳимованинг аччиқ тажрибаси тескари таъсир этиб, яна ўз қобиғига ўралиб олиб, фақат “рухсат этилган” гапларни айтишга ўтиб олишмаса бўлгани.

Энг асосийси, ҳокимият вакилларининг жамият билан мулоқотдан қочмаслиги, халқнинг кайфияти ва қарашларини ўрганиб бориши.

Зеро, уларнинг мулоқот учун очиқ бўлиши жамиятнинг тараққиётига йўл очадиган муҳим шартлардан биридир.

Сардор Азим
Eltuz.com

Тағин ўқинг
29 апрел 2018
2006 йил 29 апрель куни эрталаб 27 яшар ҳуқуқ фаоли Аъзам Фармонов таксида вилоят касалхонаси томон кетаëтганида учта милиция ...
11 декабр 2017
Ëшлар иттифоқи кафиллиги остида жиноятчилар суд залидан озод қилинмоқда. Лекин бу кафиллик шу йилнинг 27 сентябрида қамоққа олинган журналист ...
16 декабр 2019
Таниқли сиёсатчи ва шоир Муҳаммад Солиҳ “Бегона” фильмининг 7-қисмида 80-йилларнинг оҳирида Ўзбекистонда халқ иродаси билан совет тузумига қарши миллий ...
5 сентябр 2016
Ўзбекистон ичидаги журналистика яна бир бор навбатдаги синовдан ўта олмади. ТВси ҳам, газетаю журналлари ҳам ўта олмади. Ўзбекистонда президент ...
Блоглар
23 ноябр 2021
Янги миллий кутубхона қурилиши (янги миллий театр қурилиши ҳам) янги ва яп-янги Ўзбекистондаги энг кераксиз ...
21 ноябр 2021
Сиëсатчи бўлиш¸ сиëсатга кириш бугунги Ўзбекистонда бошни кундага қўйиш билан баробар. Бу ҳақда Жаҳонгирга ëзувдим ...
11 ноябр 2021
Халқаро журналист «Агнешкахон воқеаси» кўп саволларга жавобларни очиб берди. Келинглар, жонажон аккредитациядан бошлаймиз. Айнан уларни ...