Асосий мавзулар
30 март 2017

Маҳмуд Намозов Ўзбекистонда ишсизлик муаммоси йўқ деб ўйлайди

“Оила ва жамият” газетасини (29.03) варақлар экансиз, ундаги мақолаларда бугунги ўзбек жамиятининг анча оғриқли муаммолари тилга олинганига гувоҳ бўласиз.

Тўғри, гап бу муаммоларнинг илдизи, сабаблари ҳақида эмас. Улар шунчаки, йўл-йўлакай тилга олиниб ўтилган. Шунга қарамай, агар сал мулоҳаза қилинса, газета шу пайтгача айтишга журъат эта олмаётган жиҳатларни илғаб олишингиз мумкин.

Маҳмуд Намозов бугунги ўзбек қўшиқчилигида манманликка берилмаган, юлдузлик касалига чалинмаган, ўз обрўсини сақлашга ҳаракат қилиб келаётган кам сонли хонандалардан биридир.

Аммо газета мухбири билан суҳбатда хонанда жамиятимиздаги айрим масалалар ҳақида ўз фикрларини билдирганки, улар ўқувчида истеҳзо пайдо қилади.

Хусусан, у кўплаб юртдошларимизнинг хорижга иш излаб кетаётгани ҳақидаги мулоҳазаларида бу ҳолатни ишсизлик деб атамаслигини айтар экан, муаммони: “Билмадим, буни қаноатсизлик, дейиш керакми ёки олисдаги қуйруққа ҳавасми”, дея изоҳлайди.

Мана шу гапларни ўқир экансиз, бир вақтлар Ислом Каримовнинг ўз юртида иш топа олмай, Россияда мардикорлик қилиб юрган ватандошларимизни дангасалар, деб атагани ёдга тушади.

Шу билан бирга, хонанда тадбиркорлар ишчи излаб юрганини билдириб, юртдошларимиз бунга кўнмай, беш-ўн сўм кўп пул оладиган хорижни маъқул кўраётганини таъкидлайди.

“Лекин бола-чақасидан узоқда яшашига, ғурурини поймол қилишига арзирмикан шу?” дея риторик савол ташлайди хонанда.

Мақолада ишлагани эртасига етмайдиган, бир ойлик меҳнати ҳақига бир ҳафта кун ўтказиши ҳам мушкул бўлган, меҳнати қадр топмагани учун хорижда мардикорлик қилаётган ватандошларимиз ҳимоясига бир сўз айтилмагани алам қилади.

Шунингдек, газетада шоира Умида Абдуазимованинг ижтимоий тармоқларда болалар нега газета ўқимаётгани мавзусини кўтариб чиққани ҳақида ёзилган.

Шоира мактабда ўтган китобхонлик кечасида тўплаган олти юз боладан бирортаси Азиз Несин, Марк Твен, Жек Лондонни билмаганидан ёзғиради.

У мактабларда болалар беш юз сўмдан йиғиб, бир синф биттадан обуна бўлаётганига эътибор қаратар экан: “Ўқитувчиларни “қайта ўқишлари” учун мажбуран, минг бир тазйиқлар билан икки юз, уч юз минг сўм сарфлатиб, партия ва муаллимлар нашрларига обуна қилдиришади. Тушунолмайман, болаларни ўқитиб имтиҳон қиламизми ёки зиёли аталмиш ўқитувчиларними?” дея савол ташлаган шоира.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
7 ноябр 2016
Шанба эрталаб жони узилган Абдулла Орипов тошкентликлар коммунист-мозор деб айтадиган Чиғатой қабристонига олдин режалангани каби сешанба куни хам, кейинчалик ...
3 феврал 2017
Тошкентлик тафтишчи-сенаторларни кутиб олиш – туманлардаги маҳаллий амалдорлар учун ортиқча даҳмаза. Кўча супуриш, кўчат ўтқазиш, зиёфат тайёрлашдан ташқари, катталар ...
23 сентябр 2016
21-22 сентябр кунлари Бувайда туманидаги шифохонага бирин кетин туманнинг иккита коллеж буфетидаги пишириқларда захарлангани иддао қилинган ўқувчилар келтирилган. Туман  тиббиёт ...
8 сентябр 2018
Стокгольм судида Telia ширкати ва Гулнора Каримова ўртасидаги коррупция ишини кузатаётган SVT телеканали журналисти Элин Йоннссон “Элтуз” мухбири билан ...
Блоглар
6 январ 2020
АОКА блогер ва журналистларни сотиб олиши эмас, ҳуқуқий қўллаб-қувватлаши зарур. Унинг баёнотлари жуда кулгили. Ваколатлари ...
23 декабр 2019
Шарқий тақвим бўйича 2020 йил рамзи каламушдир. Каламуш йили шарқий тақвимнинг янги 12 йиллик циклини ...
19 декабр 2019
Ўзбекистонда аҳоли ўртасида 22 декабрь кунига белгиланган сайлов шаффоф, холис ва адолатли ўтишига ишонч анча ...