Назарбоев президентликдан истеъфо берди

Қозоғистонни 30 йил бошқарган 79 яшар президент Нурсултон Назарбоев 19 март куни ўз лавозимидан истеъфога чиққани ҳақида баёнот берди.

Мамлакат ТВ каналлари орқали чиқишида, жумладан, Назарбоев, «Нур Отан» партияси раиси, Конституциявий суд раҳбари ва Хавфсизлик кенгаши раиси сифатида қолиши ҳақида маълум қилди.

Президент Нурсултон Назарбоевни яккаҳокимликни ўрнатганликда айблашади, аммо у ўз нутқида мамлакат унинг бошқарувида қолоқ бир давлатдан иқтисодий ривож топган, демократик давлатлар қаторига қўшилганини билдирди.

Шунингдек, Назарбоев ҳукмронлиги даврида мамлакат пойтахти Олмаотадан миллий стратегик муҳим саналган Остона шаҳрига кўчирилди, қозоқ тили эса кириллдан лотин имлосига ўтказилди.

Eltuz.com