Асосий мавзулар
17 апрел 2019

Президентни танқид нишонига айлантирган фармон

Президент Шавкат Мирзиёевнинг маҳаллий муқобиллари мавжуд импорт дориларнинг давлат харидларини тақиқлаш тўғрисидаги яқинда қабул қилган фармони ижтимоий тармоқларда норозиликларга сабаб бўлди.

Президентнинг “2019-2021 йилларда республиканинг фармацевтика тармоғини янада жадал ривожлантириш тўғрисида”ги фармонида бундай тақиқ бир ярим йил муддатга белгиланган.

Фармондан мақсад импорт дориларга қарамликни бартараф этиш ва маҳаллий маҳсулотлар турларини кўпайтиришдир. Шу билан бирга, ҳужжат илгари мамлакатда ишлаб чиқарилмаган дориларни тайёрлашни рағбатлантиришга ҳам хизмат қилиши кўзда тутилган.

Гарчи эзгу ниятларда чиқарилгани айтилаётган бўлса-да, бу фармон ижтимоий тармоқларда салбий қарши олинди ва президентнинг ўзини танқид нишонига айлантирди.

Хусусан, Clara Askarova: “Ҳатто мамлакат президенти ҳам инсонни танлов ҳуқуқидан маҳрум қилишга ҳақли эмас. Аввало, мамлакат фармацевтика саноатини халқаро ишлаб чиқарувчилар даражасига чиқариш керак. Импорт ёки бошқа дориларни маҳаллий муқобиллари бўлса ҳам қандай тақиқлаш мумкин? Маҳаллий муқобиллари фойда бермайди-ку”, деб ёзди.

Anna Dolukhanyan эса: “Афсуски, у ўз қариндошларини хорижда даволатади, шунинг учун ўзига тааллуқли бўлмаган фармонни имзолади”, дея ёзғирди.

Anatoliy Saidov “шифокорлар уни (яъни президентни- таҳририят) фақат ўзбек дорилари билан даволашини” тилаган бўлса, Sh Samar президент бу фармони билан “аҳоли сонини радикал қисқартиришга қарор қилгани”ни таъкидлади.

Oybek Uzbek исмли фойдаланувчи эса янада қатъийлашди: “Бизга бундай президент нега керак? Одамларни соғлиғидан айириш… Ҳатто душманнинг ҳам хаёлига бундай иш келмайди… Кераксиз қурилишларга пул бор, керакли нарсаларга эса йўқ. Унинг керакли нарсаларга нега пул йўқлигини тушуниб етиш вақти келгандир. Чунки пул кераксиз нарсаларга сарфланмоқда…”.

“Бундан аҳмоқонароқ қонунни ҳали ўйлаб топишмаган. Врачларнинг ўзи фақат импорт дориларни ёзиб беришади. Малакали шифокорларни топиш бир муаммо, энди сифатли дори ҳам бўлмайдими”, деб ёзди Нафиса Нуриаҳметова.

Elena Krasnopolskaya “халқ ўзбек дорилари синаб кўриладиган синов каламушлари эмас”лигини билдирди. Унинг фикрича: “Аввал нормал дорилар ишлаб чиқаришни ўрганиш керак. Хорижда тегишли синовдан ўтганидан сўнг уларни қўллаб-қувватласа бўлади”.

“Ахир гаровга авлодлар соғлиғи ва инсон ҳаёти тикилган-ку”, дея норозилик билдирган у.

Nailya Sadrieva “сиёсатга қизиқиш вақти етди”, деб ўйлай бошлаганини билдирган.

“Қайси партия етакчилик қиляпти? Нега у халққа қарши қонунлар қабул қиляпти?… Ҳамма нарсани ўзгартириш керак”, деган тўхтамга келган бу фойдаланувчи.

Сардор Азим
Eltuz.com

Тағин ўқинг
13 март 2018
Бундан 65 йил олдин, 1953 йилнинг 18 март куни Германиянинг Мюнхен шаҳридаги радиостанциядан ўзбек тилида илк бора мана бу ...
18 апрел 2018
Мирзиëев N вилоятининг олис бир туманига вертолётда учиб келди. Юртбоши тикучар зинасидан тушиб, атрофга аланглаб қаради. Атроф ивирсиб ëтибди. ...
15 май 2019
Бир пайтлар, Ўзбекистон Республикаси Президенти ҳузуридаги Давлат бошқаруви академиясига ўқишга кираётганимда, ҳозирги пайтда Фейсбукда ҳам анча танилиб қолган амалдорлардан ...
2 апрел 2016
Фақат эътибор бериб, Халқ таълими вазирлигининг 2016-2017 ўқув йилида 1-синфга қабул қилинадиган ўқувчилар ва касаллиги туфайли якка тартибда уйда ...
Блоглар
23 май 2019
Лас-Вегас – гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...
16 май 2019
Ҳақиқатга қайси томонидан қарасанг ҳам бир хил кўринади, дейишади. Маҳмуд Ражаб -шоир, ёзувчи, шу миллатнинг ...
15 май 2019
Бир пайтлар, Ўзбекистон Республикаси Президенти ҳузуридаги Давлат бошқаруви академиясига ўқишга кираётганимда, ҳозирги пайтда Фейсбукда ҳам ...