Асосий мавзулар
2 март 2020

Лукашенко ЕОИИни танқид қилди, ўзбек нашрлари эса тарғиб қилмоқда

Александр Лукашенко Евроосиё иқтисодий иттифоқига аъзо давлатлар бир-бири билан намунали алоқа ўрнатиш ўрнига «шовқин-сурон кўтариш» билан машғул бўлаётганини маълум қилди.

Беларусь президенти бу фикрини Европа иқтисодиёти комиссияси ҳайъати раҳбари билан бўлиб ўтган учрашувда айтди, дея хабар берди 27 февраль куни БелТА ахборот агентлиги.

Агентликнинг Беларусь раҳбари сўзларидан иқтибос келтиришича, Евроосиё иқтисодий иттифоқи давлатларида ҳозирги кунгача ишлаб чиқариш ва аграр масалалар бўйича ягона сиёсат умуман мавжуд эмас.

«Евроосиё иқтисодий иттифоқи ташкил этилганда иттифоқдош давлатлар бир-бирига намуна кўрсатиб, битта йўналишда ишлайди, деб башорат қилинган эди. Бироқ улар «жанжалгача етиб келган шовқин-суронларни шакллантирди», деди Беларусь президенти.

Шу билан бирга, Лукашенко мазкур иттифоққа раҳбар сифатида бир неча мавжуд ҳолатларни яширмасдан таклифлар киритиш лозимлигини айтди. Бошқа давлатлар рози бўладими-йўқми, бироқ Евроосиё иқтисодий иттифоқидаги муносабатлар шаффофлик ва адолат тамойиллари асосида фаолият юритиши керак, деб ҳисоблайди у.

«Агар иттифоқ бундай тамойилларга риоя қила олмаса, у ҳолда бир-бирининг бошини оғритмаслиги керак», деган Беларусь лидери бошқа ҳолатларда давлатлар ўз йўналишлари ва йўлларини мустақил танлашлари мақсадга мувофиқлигини таъкидлади.

Ўз сўзида Александр Лукашенко Россия ва Беларусь ўртасидаги муносабатлар хусусида тўхталиб, Евроосиё иқтисодий иттифоқи пойдеворини мана шу икки давлат яратганини маълум қилди.

Иттифоқ тузилганидан то бугунгача унга бош-қош бўлганларнинг олдинги сафларида турган Лукашенконинг ўзи ЕОИИга аъзо давлатлар ўртасида шаффофлик ва адолат йўқлигини танқид қилаётган бир пайтда ўзбек иқтисодчилари, сиёсатчилари Россияда ишлаётган ўзбек меҳнат мигрантларига яхши бўлиши баҳонасида иттифоққа қўшилишни тарғиб қилишда давом этишмоқда.

Бу ҳолат 27 февраль куни «Ўзбекистон 24» каналида эфирга узатилган «Ўзбекистон Евроосиё иттифоқига аъзо бўлиши керакми?» мавзуидаги кўрсатувда ҳам кузатилди.

Мазкур теледастурга, асосан, ЕОИИга аъзо бўлиш истагини тарғиб қилувчи, аниқроғи, ҳукумат томонидан юборилган амалдорлар таклиф қилингани яққол билинди.

Телебошловчининг эса ЕОИИга аъзоликка қарши фикр билдирувчи саноқли одамларга микрофон бермагани, уларни эмин-эркин гапиришга йўл қўймагани ҳам шундан далолат берди.

Eltuz.com

Тағин ўқинг
1 март 2019
Ассалому алайкум. Бугунги ваъзни қўшиқ билан бошласам. Мард йигит меҳмонга кўксини очибномардни меҳмондан қочишин гўринг… Бу қўшиқ матнини 18-асрда ...
15 сентябр 2017
15 сентябр куни Тошкентдаги «Zeroline» галереяси «Қочиш» (Побег) деб номланган тасвирий санъат кўргазмасида, мамлакатни тарк этган рассом Шуҳрат Бобожон ...
19 январ 2016
«Девона фаришта», «Қўрғошин» ва «Жодугар» фильмларида ўйнаб танилган артист Отабек Мусаев «Ўзбеккино» Миллий агентлиги раиси этиб тайинланди. Бу ҳақда ...
4 январ 2017
Миродил Жалоловнинг маҳалласида яшайдиган журналистнинг айтишича, Жалолов 4 январ куни эрталаб суд залидан озод этилган ва кечқурун Тошкент вилоятидаги ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...