Наманганлик солиқчи Элтузга раддия билдирди

Ўзини Наманган шаҳри давлат солиқ инспекцияси бошлиғи вазифасини бажарувчи деб таништирган Аюбхон Ғайбуллаев “Элтуз” сайтида жорий йил 16 мартда эълон қилинган “Элтуз”га мактуб: Намангандаги солиқ амалдорларининг коррупцион жиноятлари ҳақида” сарлавҳали мақолага раддия берди.

У раддияда мазкур мақоладаги ўзига оид “сўзлар ёлғону бўҳтонлардан бошқа нарса эмас”лигини билдириб, буни: “…шу каналга мактуб юборган дея маълум қилинган ходим ўз исми ошкор этилишини истамаслигидан ҳам кўриш мумкин”, дея изоҳлаган.

Шу сабабли Аюбхон Ғайбуллаев “азиз ватандошлар”дан ушбу ходимнинг ўзи ҳақидаги “ёлғону бўҳтонлардан иборат негатив сўзларига ишонмаслик”ни сўраган.  

eltuz.com