Асосий мавзулар
14 апрел 2022

Қарши шаҳар ҳокимлигидаги жиноий иш судга оширилди

2022 йил 1 апрель куни Қарши шаҳар ҳокими Холбоев Нормўмин Яхшиевич ИИБ ходимлари томонидан ҳибсга олиниб, жиноий иш очилди. Бундан ташқари хокимлик қурилиш бўлимига алоқадор 7 мулозим  ҳам қўлга олинган. Бу ҳақдаги хабар Элтузга Қарши шаҳар ИИО ФМБ бўлимидан етиб келди.

Элтузда мавжуд маълумотга кўра¸ Қарши шаҳар ҳокимлиги, Кадастрлар палатаси вилоят бошқармаси ва Қурилиш бўлимининг 7 нафар ходими қонунга зид равишда 318 та ҳолатда 105 гектар ерни аукционсиз бериб юборгани аниқланди. Ушбу ер майдонларининг бозордаги баҳоси 156,4 млрд сўмни ташкил қилади. Гумондорларга нисбатан қўзғатилган жиноят иши судга юборилган.

Элтуз тасарруфидаги ҳужжатларга кўра, шаҳар ҳокими Холбоев билан бирга эҳтиёт чораси сифатида қамоққа олинган унинг шериклари орасида Қарши шаҳар ҳокимлиги ҳузуридаги ер участкаларига эгалик қилиш, флойдаланиш ва ижарага бериш (реализация қилиш) масалаларини кўриб чиқиш доимий комиссияси раиси Ғ. Султонов, мавсумий ишчи  Фозилов Жамшид Ғайратович ва бошқалар бор.

Шунингдек билдирилишича улар “олдиндан тил бириктириб, бир гуруҳга бирлашиб, иш фаолияти давомида, Ўзбекистон Республикаси Президентининг 20.04.2018 йилдаги “Тадбиркорлик шаҳарсозлик фаолиятини амалга ошириш учун ер участкаларини доимий фойдаланишга бериш тартибини тубдан такомиллаштириш чора тадбирлари тўғрисида”ги ПҚ-3677-сонли қарорининг 1-бандида кўрсатилган 01.07.2018 йилдан бошлаб юридик ва жисмоний шахсларг тадбиркорлик ва шаҳарсозлик фаолиятини амалга ошириш учун ер участкаларини доимий фойдаланишга бериш” қоидаларини бузишган.  

“Ер участкаларини  доимий фойдаланишга бериш “Е-IJRO AUKSION” ягона электрон савдо майдончасида электрон аукцион орқали амалга ошириш белгиланган бўлсада, бу нормани қасддан бузиб, ер участкасига талабгор жисмоний ва юридик шахсларга аукцион савдосида қатнашиш имкониятини яратиб бермасдан, жами 280 холатда 1.042.04 кв.метр баҳоси 153 млрд. сўмлик ер майдонларини белгиланган тартибда аукцион савдосига чиқармасдан, жисмоний ва юридик шахсларга тўғридан тўғри доимий фойдаланиш учун ажратиб бериб юборганлиги аниқланган”, дейилади жумладан Элтузга етиб келган ҳужжат нусҳасида.
Мазкур ҳолат юзасидан Қашқадарё вилояти Прокуратураси томонидан 31 март куни очилган ЎзР ЖКнинг 205-моддаси 2-қисми “а” банди бўйича очилган жиноят иши Қашқадарё вилоят судига ўтказилди.

PS: Шошилинч хабар Элтузда эълон қилингач, 14 апрел куни Қарши шаҳрининг собиқ ва амалдаги ҳокимлари қамоққа олинганлиги» ҳақидаги маълумотлар юзасидан Ички ишлар раддия берди: «Мазкур жиноят иши бўйича Қарши шаҳрининг собиқ ҳокими Фозилов ва амалдаги ҳоким Холбоевлар айбланувчи сифатида жалб қилинмаган. Вилоят прокуратураси томонидан ер талон-торожликлари ҳолатлари бўйича хизмат сохтакорлигига йўл қўйган кадастр, қурилиш бўлими, шаҳар ҳокимлиги собиқ юристлари – жами 7 нафар шахс Жиноят кодексининг 205, 206, 209, 229-4-моддалари билан айбланиб, жиноят иши суд муҳокамасига юборилган».

Eltuz.com

      
Тағин ўқинг
8 январ 2016
Қишнинг қаҳри қаттиқлашган сари, газ идораси ходимларининг дағдағалари ортади.  Рассом Элсеварнинг навбатдаги ҳажвий сурати ҳам Ўзбекистондаги газ муаммолари ҳақида. ...
27 декабр 2019
«Совғанг бошингдан қолсин. Китобдан ҳам совға бўладими? Бир миллион рубль бер, битта коттеж ҳам бер!!!» Кечган йилда россиялик миллиардер ...
11 июн 2016
Гарчи бу иш тўғрисида матбуотда кам гапирилган бўлса-да, 2013 йил охирида халқаро арбитраж суд Каримов ҳукуматидаги коррупция тўғрисида кутилмаган ...
13 октябр 2017
11 октябр куни ихтимоий тармоқларда «Маҳалла» телеканалининг Сирдарё тумани муаммолари ҳақидаги кўрсатуви видеоси овоза бўлди. Кўрсатувда туман ҳокими мулозими ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...