• ФОТО: RU.WIKIPEDIA.ORG
Асосий мавзулар
6 июл 2022

Интернетсиз қолаётган Қорақалпоғистон, уруш палаткаларини эслатувчи Нукус шифохонаси…

Конституцияга ўзгартиш олдидан тўполон кўтарилган Қорақалпоғистонда ҳамон интернет ишламай турибди, маҳаллий аҳоли айрим ҳудудларда электр токи йўқлигини айтмоқда. «Элтуз» мухбири телефон орқали маҳаллий аҳоли билан боғланди.

«23 ёшли ўғлим ҳалок бўлди, 30 ёшли ўғлимни ушлаб олиб кетишган. Намойишда иштирок этганман, деб тан олса уйига қўйиб юборяпти экан. Ўғлим намойишда иштирок этиш учун кўчага чиқмаган эди. Укасини кўчадан олиб келиш учун чиққан эди. Ҳувуллаб қолган Нукус кўчаларида яқин ўттиз йилда бунақанги кўп одам йиғилмаган эди. чунки Кўп қаватли уйларнинг ярми бўш. Уй эгалари бўлса ҳам бу ерда яшашмайди. Кўпи Тошкентга, Қозоғистонга ва Россияга кетишган. Ўзимизнинг қўшнилар ҳам анчагинаси Қозоғистон фуқаролигини олган. Имкон бўлди, дегунча юртни ташлаб кетишни режалаштирган. Биз юртни ташлаб ҳеч қаерга кетмаймиз. Ўғлимни уйга қайтишини кутяпмиз. Бир ўғлимдан айрилдим, яна бунисидан айрилиб қолишдан қўрқаяпман ” дейди Нукус турғуни.

Ўзбекистон Бош прокуратураси берган дастлабки маълумотларга кўра, 18 нафар киши вафот этган, 243 киши, жумладан 38 нафар ҳуқуқни муҳофаза қилиш органлари ходимлари жароҳатланган. 4 июль эрталабига 100 га яқин киши шифохонада бўлган.

Нукус марказий шифохона ҳамшираси ҳолат бўйича «Элтуз»га маълумот берди.

«Нукус марказий шифохонаси ярадорлар билан тўлган. Ҳудди, уруш даврларини эслатади. Қўли йўқ, оёғи йўқ аммо яшашга умиди бор одамларни даволаяпмиз. Икки кун «смена» алмашмасдан ишладик. Учинчи кун уйга жавоб беришди. Келган беморларни шахси номаълум. Марҳумларни яқинлари ҳам таний олмаяпти.

Шифохонанинг ўзида ўнлаб марҳумлар бор эди. яна ўндан ошиғи бу ерга келгунига қадар жон берган. Бу кунлар бошқа қайтарилмасин. Катта шифохона бўса ҳам жой етмади. Врачлар улгуришмади. Шундоғам аҳволи оғир бўлиб турган беморлар бирин-кетин кўз олдимизда жон берди» дейди ҳамшира.

«Элтуз»га мурожаат қилан нукуслик бир гуруҳ маҳаллий аҳоли вакилларига кўра мурожаатчилар яқинлари 1 июль санасида қўлга олиб кетилган ва ҳозирга қадар қаерда эканлиги номаълум қолмоқда. Шунингдек арзгўйлар 6 июль санасида ҳм интернет Қорақалпоғистон бўйлаб узиб қўйилгани ва айрим ҳудудларда электр токи ҳам йўқлигини айтишди. Нукус шаҳри 1-2 июль кунлари оммавий тартибсизликларга саҳна бўлган эди.
Ўзбекистон Ички ишлар вазирлиги расмий баёнотига кўра жамоат тартиби бузилишининг олдини олиш ва фуқаролар томонидан турли тартиббузарликларнинг содир этилишига йўл қўймаслик мақсадида Деҳқон бозори ҳудудига ҳуқуқни муҳофаза қилиш органларининг куч ва воситалари жалб этилган.

Eltuz.com

Тағин ўқинг
21 феврал 2021
Жиззах вилоятининг Бахмал туманидаги Дўсмат қишлоғида яшовчи Улуғбек Муродов Сенат раисаси Танзила Норбоева берган ваъдасини бажармагани хусусида ижтимоий тармоқда ...
5 июл 2019
“Ёшим етмишдан ошди. 50 йилдан ортиқ ҳайдовчилик тажрибам бор. Лекин пешонада бор экан, неварам тенгилар билан яна ҳайдовчиликка ўқияпман”. ...
15 апрел 2020
Жорий йилнинг апрели бошидан Тошкент кўчаларида БТРларда юриб, карантин боис карнайлар орқали аҳолини уйда қолишга даъват этиш бошланди. Бироқ ...
9 феврал 2021
Бир одам охирги дарахтнинг устига чиқиб, ўзи ўтирган дарахтни арралаяпти. Йўлда кетаётган сайёҳ унга қараб савол беради: – Илгари ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...