Асосий мавзулар
27 март 2023

Дилбар Ғаффорова: Рауф Парфига ҳайкални унинг мухлислари ўрнатди

Ўзбек музейларига кўмаклушувчи Германиядаги халқаро YUZUK ташкилоти ижрочи директори Дилбар Ғаффорованинг Рауф Парфи ҳайкали очилишда сўзлаган нутқи:

Ассалому алайкум, хурматли хонимлар ва жаноблар!
Бугун барчамизни, ушбу гўзал даргоҳда тўплаган куч бу санъатдир!

Санъат – барча замонларда, турли цивилизациялар ва маданиятлар орасидаги мулоқот тили бўлган, мухим дипломатик восита ролини ўйнаган. Жумладан Ўзбекистон халқлари ушбу воситадан мохирона фойдаланиб, тарихимизнинг барча босқичларида санъатга жуда яқин бўлишган. Санъатга бўлган муҳаббат, хорижда яшаётган бир қанча юртдошларимизни ҳам ижодий гуруҳга бирлаштирди, шу тариқа энтузиастлар жамоаси – «Юзук» дунёга келди. Ватанимиз маданий хаётига бефарқ бўлмаган ушбу жамоада, Ўзбекистон халқ шоири Рауф Парфига едгорлик ўрнатиш ғояси пайдо бўлди, шоирнинг турли юртларда яшаётган мухлислари тез орада бу ғояни қувватлаган холда беғараз моддий кўмак кўрсатишди. Ёзувчи, журналист, тадбиркор, олим, рассом ва талаба ҳам бьюст яралишига ўз хиссасини қўшди. Рауф Парфига хайкални унинг мухлислари қўйди! Едгорлик муаллифи этиб машхур хайкалтарош Азамат ака Хотамов танланди.

Германиядаги маданий тадбирлардан бирида Юзук вакиллари гениал рассом Вячеслав Охунов билан ижодий сухбат жараенида, ўтган асрнинг 80 – йилларида яратилган ва 90 – йиллар алғов-далғов даврида йўқолиб кетган, улкан тарихий – маданий аҳамиятга эга бўлган икки картинани топиш ва юртимизга қайтаришни режа қилдик. Бугун кўпчиликнинг меҳнати эвазига, Охунов мўйқаламигв мансуб бўлган «Чўлпон» портрети ва «Бухоронинг бомбардимон қилиниши» асарларини ўрганиш, кўриш, ҳис қилиш имкони пайдо бўлди!

Сўзим якунида картиналар логистикасида яқиндан ердам берган «Маданият ва санъатни ривожлантириш жамғармасига», бугунги тадбирни амалга ошириш имконини яратган Ўзбекистон давлат санъат музейи маъмуриятига, бизга ҳар жиҳатдан кўмакдош бўлган «Маданий мерос агентлигига», шахсан Турсунали Каримовичга, Ўзбекистоннинг Франкфурт Майн шахри бош консуллигига ва BMB Trade компаниясига жамоамиз номидан миннатдорчилик билдираман!
Раҳмат!

Дилбар Ғаффорова

Тағин ўқинг
9 феврал 2021
Мени машғул қилган ғояга аввал ўзимни ишонтиришим керак эди. Майли, дўстлар ишонмасин, майли, ақраболар, яқинлар, ҳатто халқ ишонмасин, аммо ...
6 январ 2016
Арамайс Авакян ва унинг дўстлари устидан суд бугун соат 11 да, кутилмаганда бошланди. Судланувчиларнинг яқинлари суд бошланиши ҳақида тасодифан ...
21 феврал 2021
Туркманистонда 14 ёшли дзюдочи Сулаймон Турсунбоев жангда президентнинг қариндошига «ютқазиб бериш»дан бош тортгани учун ўлдирилди. Фожеа февраль ойининг бошларида ...
18 май 2022
Яқинда “Элтуз”да Наманган вилояти солиқ тизимидаги коррупцион ҳолатлар ҳақида эълон қилинган мақолага мамлакатнинг тегишли ҳуқуқ-тартибот идоралари эътибор қаратмади. “Элтуз” ...
Блоглар
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...
30 апрел 2024
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ...