Асосий мавзулар
18 апрел 2024

Исроил-Эрон можароси: Энди нима бўлади?

Исроилнинг Суриядаги Эрон ваколатхонасига қилган ҳужумига Теҳрон дронлар ёмғири билан жавоб берди.

Ҳозирда кўпчиликни қизиқтираётган савол: Энди нима бўлади? Бу саволга Элтуз таҳлилчиси жавоб топишга ҳаракат қилиб кўрди.

Кўп нарса Исроил ва АҚШнинг қандай муносабатда бўлишига боғлиқ.

АҚШ президенти Жо Байденнинг айтишича, Исроил Эроннинг ракета ва учувчисиз учоқларини уриб тушириб, “душманларига унинг хавфсизлигига самарали таҳдид сола олмасликлари ҳақида аниқ мессеж берди”.

Бироқ, пайдо бўлган хабарларга кўра, Байден Исроил Бош вазири Бенямин Нетаняхуни Исроил эришган «ғалаба билан чекланиши» зарурлиги ва Эронга қарши ҳар қандай ҳарбий амалиётда АҚШнинг ёрдамига умид қилмаслиги кераклиги ҳақида огоҳлантирган.

Эрон ва Исроил очиқдан очиқ уруш бошлаши ёки яширин ҳарбий зиддиятни давом эттириши бир қанча омилларга боғлиқ.

Биринчи навбатда, ҳам Исроил ва ҳам Эрон ҳукумати мамлакат ичидаги кайфиятга қараб иш тутишади.

Нетаняху Ғазога бостириб киргани ва қолаверса Исроил Олий судига таъсир ўтказишга урингани туфайли мамлакат аҳолиси босими остида қолмоқда.

Эронда ҳам, Бирлашган Миллатлар Ташкилотининг хабар беришича, ижтимоий-иқтисодий вазият яхши эмас. Бунинг устига мамлакат раҳбярияти диссидентларни шафқатсизлик билан қатағон қилмоқда.

Ички муаммолардан ташқари Эрон ва Исроил очиқча уруш оқибатларини тарозида ўлчаб кўришга мажбур.

Эрон ҳам, Исроил ҳам уруш узоқ давом этса ҳеч ким ғолиб чиқмаслигини яхши билади.

Албатта, Исроил армияси Эронга қарши ҳаво ва ракета ҳужумларини амалга оширишга қодир. Бу кучни Исроил ҳарбийлари Сурия ва Ливанда кўп йиллардан буён намойиш этиб келади.

Бироқ, Эронга қарши узоқ муддатли ҳарбий амалиёт Исроилни муаммолар гирдобига тортиши мумкин. Исроил қўшинлари сони Эрон қўшинлари сонидан оз. Қолаверса, икки мамлакат бир-бирига яқин масофада жойлашган.

Бундан ташқари, Эронга очиқ ҳужум бошласа Исроил ўз ҳарбий ресурсларини Ғазо, Ғарбий Соҳил ва шимолийдаги қўшниси Ливанга камроқ ажратишга мажбур бўлади.

Тўғри, Исроил ўтмишда ҳам минтақавий рақиблари билан урушга киришган ва уларни мағлуб этган.

Бироқ, 1967 ва 1973 йиллардаги Араб-Исроил урушлари бошқа, дронларни ишлатиш ва кибер операцияларни ўтказишга қодир Эронга қарши уруш бошлаш бошқа.

Эрон ҳам зиддиятнинг урушгача боришини истамайди. Теҳрон 13 апрел куни баллистик ракеталар, дронлар ва қанотли ракеталарнинг катта арсеналига эга эканини намойиш этди.

Бироқ, Исроил ҳам АҚШ ёрдамида Эрон ҳужумини бартараф этишга тайёрлигини кўрсатди.

Бу эҳтимоллар ҳисобга олинса Эрон ўзининг ноанъанавий стратегияси – прокси урушга қайтиши мумкин.

Исроил ҳам Эрон ҳудудида ҳарбий истеҳкомларга аниқ ракета ҳужумларини уюштириш билан чекланиши мумкин.

🚀Telegram (http://t.me/eltuz2022) |🔵Facebook (https://www.facebook.com/eltuzcom) |
🐦Twitter (https://twitter.com/ElTuz7) |📷Instagram (https://instagram.com/eltuz2015) | ▶️YouTube (https://youtube.com/@eltuz)

Тағин ўқинг
22 феврал 2023
Янгийўл тумани Нуробод МФЙда уйи ёниб кеткан аёлга ёрдам ҳар томондан оқиб кела бошлади. Аёл уйини қайта тиклаб беришмоқда. ...
19 декабр 2017
Хоразм вилоятининг Қўшкўпир тумани усталари «Феррари» автомобилининг нусхасини яратишди. Энг қизиғи, унга «Запорожец» автомобили мотори ўрнатилган. «Элтуз» нашрининг Урганчдаги ...
21 сентябр 2016
Ўзбекистон Ички ишлар органлари ҳақида қонун қабул қилиниши ортидан, Ички ишлар вазирлиги тизимида кадрлар алманиши кузатилмоқда. Бироқ, экспертлар фикрича ...
3 май 2019
Кўриб турганингиз уй оддий ўзбек мулозимининг уйи. Уй эгаси давлатдан аниқ суммадаги маош олган ва тижорат билан  шуғулланиши қонунан ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...