Асосий мавзулар
15 май 2019

Маҳмуд Ражаб диний экстремизм контрабандасида гумонланмоқда

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси «Элтуз»да чоп этилган “Тинтув қилинган Маҳмуд Ражабнинг уйидан “Пайғамбарлар тарихи” китоби олиб кетилди” мақолага 14 май куни расмий муносабат билдирди.

Расмий билдиришга кўра, 2019 йилнинг 30 апрель куни “Тошкент-Аэро”ихтисослаштирилган божхона комплекси томонидан журналист Маҳмуд Ражабга нисбатан Ўзбекистон Республикаси Жиноят кодексининг 246-моддаси 1-қисми (диний экстремизм, айирмачилик ва фундаментализмни тарғиб қилувчи материаллар контрабандаси) билан жиноят иши қўзғатилган. Бу моддаларда 5-10 йил қамоқ жазоси кўзланган.

Жиноят ишига 2019 йилнинг 26 март куни “Тошкент” аэропортида кўздан кечирилган Маҳмуд Ражабнинг қора рангли сумкасидан чиққан 26 дона китоб, бир дона “Mi 5+” русумли уяли телефон аппарати ва ундаги ёзувлар сабаб бўлган, дея билдирилади ИИВ сайтида.

Ўзбекистон Республикаси Бош прокуратурасининг 2019 йил 8 майдаги кўрсатмасига асосан жиноят иши бўйича дастлабки терговни ўтказиш Хоразм вилояти ИИБ ҳузуридаги Тергов бошқармасига юклатилган.

2019 йил 10 майда Маҳмуд Ражабнинг уйидаги тинтув тергов ҳаракати ҳақида ёзаркан, ИИВ тергов департамети томонидан унинг «туман ИИБ ходимлари, холислар, шунингдек, “Шанғи” маҳалла фуқаролари йиғини фаоллари иштирокида» ўтказилганини ёзади.

Тинтувдан кейин, 13 май куни Маҳмуд Ражаб касалхонага ётқизилган эди.

Расмий маълумотда билдирилишича, тинтув давомида «М.Раджаповнинг хонадонидан уяли телефон, ноутбук, дисклар, Туркия давлатида чоп қилинган диний мазмундаги 3 дона (шу жумладан, «Пайғамбарлар тарихи») китоб ва бошқа ҳужжатлар ўрганиш учун олинган. Тинтув якунида гумон қилинувчи М.Раджапов баённомага имзо чекишдан бош тортган, бу ҳақда тинтув баённомасида кўрсатиб ўтилган».

Расмий билдиришда тинтувда олинган ашёлар юзасидан тегишли (диншунослик, суд-сиёсатшунослик-лингвистик, компьютер-техник) экспертизалар тайинланган.

Маҳмуд Ражабни яқиндан танийдиган Ўзбекистон-Германия инсон ҳуқуқлари форуми (UGF) директори Умида Ниёзова унинг ҳалол ва тўғри инсон эканига кафил бўлишини «Элтуз»га билдирди.

«Унинг экстремизмга ҳеч бир алоқаси бўлиши мумкин эмас. Ўзбек ҳукумати яқинда айрим мустақил веб-сайтлардан тўсиқларни бекор қилди, бироқ, афтидан, улар ҳали ҳам ҳар қандай сиёсий ёки диний кўринишдаги танқидларга тоқатсизлигича қолишмоқда. Маҳмуд Ражабовга қарши жиноят иши тезликда тўхтатилиши лозим. Ўзбек ҳукуматига ўз шахсий фикрларини билдириш таҳдид эмаслиги, балки очиқ жамиятнинг нормал ва зарур жиҳати эканини эътироф этиш вақти келди. Журналист сифатида Ражабов ҳар қандай, айниқса, Интернетда очиқ бўлган ахборотлар билан танишиш ҳуқуқига эга», деди Ниёзова.

Хоразмлик 56 яшар журналист ва шоир Маҳмуд Ражаб «Маърифат» газетаси мухбири бўлиб ишлайди.

Eltuz.com

Тағин ўқинг
18 апрел 2020
Аврангзеб (тож безаги) дея тарихга кирган Абул Музаффар Муҳиддин Муҳаммад Оламгир (1618—1707) Ҳиндистонда Буюк мўғуллар империяси дея аталган давлатнинг ...
10 октябр 2023
Салом қадрли муҳлислар, элтуз порталига келган навбатдаги бешта шикоят мактубини ўқиб эшиттирамиз. Улар Бухоро, Сурхондарё, Жиззах ва Фарғона вилоятларидан ...
6 ноябр 2019
Ўзбекистонлик инсон ҳақлари фаоли Аъзам Турғунов 31 октябрь куни Прагада ўтган тақдимотда People in Need халқаро ташкилотининг «Жасорат» мукофотига ...
2 май 2023
Туркия президенти Ражаб Тоййиб Эрдўғон 30 апрел куни кечқурун Туркия разведка кучлари томонидан “Исломий давлат” гуруҳи етакчиси Абулҳусайн Ал-Қурайший ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...