6 июнь – Ўзбекистонда цензура ташкил топган кун

1922 йилнинг 6 июнида Халқ комиссарлари кенгаши декретига кўра, Адабиёт ва нашриёт ишлари бўйича бош бошқарма (Главлит) ташкил этилди.

Бу цензура идораси «қайта қуриш» ва мустақилликнинг дастлабки даврида тугатилди.

Бироқ собиқ совет мамлакатлари ичида бу идоранинг меросхўрлари Ўзбекистонда сақланган. Ўзбекистон Ахборот ва оммавий коммуникациялар агентлиги шу меросхўрларнинг биридир.

«Чегара билмас мухбирлар» халқаро нодавлат нотижорат ташкилотининг матбуот ва сўз эркинлиги ҳисоботига кўра, Ўзбекистон 2019 йил олдинги йилга нисбатан уч поғона туширилган ва дунёнинг 180 мамлакати бўйича 169-ўринни эгаллаган эди.

Журналистларни ҳимоя қилиш ташкилоти – CPJнинг Жаҳон матбуот эркинлиги кунига бағишлаб чиқарган баёнотида жаҳоннинг цензура энг кучли бўлган 10 мамлакати санаб ўтилади.

Ўзбекистон улар орасида 6-ўринда қолмоқда.

www.eltuz.com