Обид Қори Назаров: СНБ деган қовоғари мендан қасос олмоқда

Обид қорига суиқасд қилган Жуковский буйруқни Тошкентдан олгани ҳақидаги айблов хулосасини Швеция прокуратураси терговчиси Кристер Петерссон 17 ноябр куни судга топширди.

Аммо МХХ уни йўқ қилиш учун таъқиб қилишни бошлаганлигини Қори дастлаб 1996 йилнинг 24 феврал куни, унинг қўлидан масжид тортиб олинган пайти айтган эди.

Орадан бир йил ўтиб Обид Қори Назаровнинг 1997 йилги 24 феврал куни матбуот анжуманидаги уйи тортиб олинган пайти айтган гаплари эса худди бугунги саволларга жавобдай янграйди.

Ўшанда унинг уйи тортиб олинган ва у ҳукуматни жамоат олдида яна бир бор фош қилган эди.

У издошларига хитоб қилиб, улар жон жаҳдлари билан ўзларига тегишли мулкларни тажовуздан ҳимоя қилишга чақирганди.

“Биз курашамиз ўз мол мулкимиз учун» деганди у, бу воқеа жамаот олдида ҳукумат кирдикорининг фош бўлишига олиб келди. Кейинчалик, ҳам шундай бўлди.

Имом ўшанда ўз нутқида, бир йил бурун – 1996 йил 24 феврал воқеасини эслайди. “Ўшанда мендан масжид тортиб олинган ва бу элга овоза бўлган эди, ҳудди шу бугунгидай”, – дейди у кулиб.

Учинчи мистик нуқта – 2012 йилнинг 24 февралига келиб эса, Обид Назаровга суиқасд ўзбек ҳукумати фитнаси сифатида дунёга овоза бўлди, швед порлицияси Ўзбекистон ҳукумати ёллаган киллер Жуковскийнинг изларини аниқлади ва имом Швециянинг энг кучли шифокорлари қўлида даволана бошлади…