Асосий мавзулар
25 феврал 2020

Cotton Campaign: Ташриф фойдали, бироқ Ўзбекистон тизимли мажбурий меҳнатни тугатиши керак

Cotton Campaign халқаро коалиция делегацияси 2020 йил 28 январдан 5 февралгача Ўзбекистонда бўлиб, ҳукумат аъзолари ва ҳуқуқ ҳимоячилари билан мамлакатда пахтачиликда қўлланилаётган мажбурий меҳнатга тааллуқли масалаларни муҳокама қилди.

Куни кеча Cotton Campaign халқаро коалициясининг матбуот учун хабарномаси эълон қилинди. Унда Тошкентда ҳукуматнинг ислоҳотларни етарли даражада англашига қаратилган “конструктив, фойдали ва долзарб” мулоқот бўлиб ўтгани айтилган.

Ўзбекистон ҳукуматининг вазиятни яхшилаш учун аниқ саъй-ҳаракатларни шакллантириши муҳим аҳамият касб этади. Булар пахтачилик тармоғида мунтазам мажбурий меҳнатни бартараф этиш, таркибий ислоҳотларни амалга ошириш ва фуқаролик жамияти учун имкониятларни кенгайтиришга қаратилган чора-тадбирлардир, дейилади ташкилот хабарида.

Cotton Campaign халқаро коалицияси ташаббуси билан Ғарбнинг 300 дан ортиқ тўқимачилик корхоналари теримчиларнинг меҳнат ҳуқуқлари бузилаётгани сабабли ўзбек пахтасидан фойдаланмасликка оид мажбуриятларни ўз зиммаларига олганди. Бундан ўн йил аввал бошланган ўзбек пахтаси бойқоти давом этмоқда.

Сўнгги бир неча йил ичида Ўзбекистон ҳукумати вазиятни яхшилаш учун қатор ижобий ишларни амалга оширди, жумладан, болаларни, талабаларни, таълим ва тиббиёт муассасаларининг аксарият ходимларини теримга жалб этишдан воз кечди.

Бироқ 2019 йилги терим мавсумида маҳаллий ҳокимият томонидан давлат хизматчилари ва хусусий сектор ходимларини мажбурий тарзда пахтага чиқариш ёки пахта пулини тўлаттириш кузатилди. 

Хабарномада Cotton Campaign халқаро коалицияси” жорий йилнинг 23 март куни Вашингтонда бўлиб ўтадиган умумий йиғилишда ўзбек пахтасига бойкотни олиб ташлаш ёки сақлаб қолиш бўйича ўз позициясини кўриб чиқиши билдирилган. 

Cotton Campaign  – Ўзбекистоннинг пахта cаноатидаги мажбурий меҳнатни тўхтатиш мақсадида ташкилотлар, сармоядорлар ва ҳуқуқ ҳимоячиларининг бирлашган глобал коалициясидир.

Тағин ўқинг
14 январ 2016
2016 йилнинг 1 январидан бошлаб Ўзбекистон фуқаролари учун Россия ҳудудидан чиқиш фақат Ўзбекистон Республикаси биометрик паспорти бўлган тақдирдагина ижозат ...
17 июн 2016
80- йиллар охирларида саҳна юзини кўрган «Ойна» драматик асари орқали прокурорларнинг арзанди ўғиллари қилаëттган жиноятларни фош қилган ëзувчи «коммунист ...
9 май 2022
Абдулазиз Маҳмудов бир неча бор мендан видео интервю олишни сўраган. Бунга вақт ҳам, истак ҳам бўлгани йўқ. Мен унинг ...
31 май 2017
Жиззах шаҳрида ўтган “Баркамол авлод” спорт мусобақаси гала концертида қатнаша олмаган хонанда Шаҳноза Отабоева лицензиясидан маҳрум қилинди. Хонанда бу ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...