Asosiy mavzular
25 fevral 2020

Cotton Campaign: Tashrif foydali, biroq O‘zbekiston tizimli majburiy mehnatni tugatishi kerak

Cotton Campaign xalqaro koalitsiya delegatsiyasi 2020 yil 28 yanvardan 5 fevralgacha O‘zbekistonda bo‘lib, hukumat a'zolari va huquq himoyachilari bilan mamlakatda paxtachilikda qo‘llanilayotgan majburiy mehnatga taalluqli masalalarni muhokama qildi.

Kuni kecha Cotton Campaign xalqaro koalitsiyasining matbuot uchun xabarnomasi e'lon qilindi. Unda Toshkentda hukumatning islohotlarni yetarli darajada anglashiga qaratilgan “konstruktiv, foydali va dolzarb” muloqot bo‘lib o‘tgani aytilgan.

O‘zbekiston hukumatining vaziyatni yaxshilash uchun aniq sa'y-harakatlarni shakllantirishi muhim ahamiyat kasb etadi. Bular paxtachilik tarmog‘ida muntazam majburiy mehnatni bartaraf etish, tarkibiy islohotlarni amalga oshirish va fuqarolik jamiyati uchun imkoniyatlarni kengaytirishga qaratilgan chora-tadbirlardir, deyiladi tashkilot xabarida.

Cotton Campaign xalqaro koalitsiyasi tashabbusi bilan G‘arbning 300 dan ortiq to‘qimachilik korxonalari terimchilarning mehnat huquqlari buzilayotgani sababli o‘zbek paxtasidan foydalanmaslikka oid majburiyatlarni o‘z zimmalariga olgandi. Bundan o‘n yil avval boshlangan o‘zbek paxtasi boyqoti davom etmoqda.

So‘nggi bir necha yil ichida O‘zbekiston hukumati vaziyatni yaxshilash uchun qator ijobiy ishlarni amalga oshirdi, jumladan, bolalarni, talabalarni, ta'lim va tibbiyot muassasalarining aksariyat xodimlarini terimga jalb etishdan voz kechdi.

Biroq 2019 yilgi terim mavsumida mahalliy hokimiyat tomonidan davlat xizmatchilari va xususiy sektor xodimlarini majburiy tarzda paxtaga chiqarish yoki paxta pulini to‘lattirish kuzatildi. 

Xabarnomada Cotton Campaign xalqaro koalitsiyasi” joriy yilning 23 mart kuni Vashingtonda bo‘lib o‘tadigan umumiy yig‘ilishda o‘zbek paxtasiga boykotni olib tashlash yoki saqlab qolish bo‘yicha o‘z pozitsiyasini ko‘rib chiqishi bildirilgan. 

Cotton Campaign  – O‘zbekistonning paxta canoatidagi majburiy mehnatni to‘xtatish maqsadida tashkilotlar, sarmoyadorlar va huquq himoyachilarining birlashgan global koalitsiyasidir.

Tag‘in o‘qing
18 sentyabr 2018
O‘zbek interneti qahramoni, teleboshlovchi, siyosatshunos, siyosiy fanlar nomzodi va Jurnalistika universiteti rektori Sherzod Qudratxo‘jaev rus ayoliga qo‘pollik qilib, undan ...
5 yanvar 2016
Elsevar taxallusi bilan ijod qilishni ma'qul ko‘rgan bu rassom yigit 34 yoshda. Buxoroda yashab ijod qiladi. Eltuzning shtatli rassomi ...
19 oktyabr 2017
Frantsiyaning Mediapart internet nashri tomonidan qo‘lga kiritilgan va European Investigative Collaborations (EIC) konsortsiumidagi hamkasblariga taqdim etilgan maxfiy ma'lumotlar O‘zbekistonning ...
6 sentyabr 2019
“Oramizdan chiqsa gar millatni yaxshi sevguvchi, biz oni dushmon bilib, taffoncha birlan otamiz”. Bu misralarni buyuk millatsevar yozuvchi Abdulla ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...