Асосий мавзулар
3 июн 2021

Ўзбекистон: Кўплаб журналистлар судлов курсисида

Effect.uz ахлоқ-одоб қоидаларига зид хатти-ҳаракатларга йўл қўйган, аммо унинг муаммоларга дучор бўлиши сабаби бу билан боғлиқ эмас, дея ёзади Eurasianet нашри.

Ўзбекистонда яна кўплаб журналистлар судлов курсиси билан юзлашмоқда.

Бу сафар Effect.uz янгиликлар веб-сайти мухбирлари гўё ҳукумат вакилига ўз ишини бажаришига тўсқинлик қилиш, давом этаётган тергов ёки суд ишларини ҳал этишга аралашиш, туҳмат қилиш ва давлат хизматчисини ҳақорат қилишда айбланиб жиноий жавобгарликка тортилмоқда.

Биринчи суд мажлиси 27 май куни Қашқадарё вилояти маркази Қарши шаҳрида бўлиб ўтди. Суд қаршисида Х.Аҳмедов, А.Нуримбетов ва Э.Тожибоев ўтирибди. 

Биринчи суд мажлиси атиги 30 дақиқа давом этди. Чунки суд раиси журналистлардан уларга қўйилаётган айбловлар билан танишмисиз, деб сўради, аммо улар йўқ, деб жавоб беришди. Суд раиси суд мажлисини 31 майга қолдирди.

Иш январь ойида содир бўлган воқеага бориб тақалади.

“Effect.uz сайтида унинг ходимлари жиноят ишлари бўйича Термиз тумани суди раиси хизмат хонасига бостириб кириб, суд мажлисида иштирок этиш ва жараённи тасвирга олишни талаб қилишгани ҳақида видеоёзув чиқарилган”, дейилади Бош прокуратура хабарида.

Ушбу эпизод пайтида юз берган тартибсизликлар акс этган видео YouTubeда 700 мингдан зиёд кўрилган.

Effect.uz журналистлари ёритмоқчи бўлган суд жараёни Икром Худоёров исмли фуқарога нисбатан катта миқдордаги фирибгарлик айбловини ўз ичига олган. Сайт мухбирлари судланувчининг илтимосига биноан суд жараёнини ёритишга ваъда беришди, аммо суд мажлиси ёпиқ эшиклар ортида ўтиши керак эди.

Илгари Effect.uz баъзида ҳисобот бераётган субъектлардан тўлов қабул қилиши даъво қилинади – Ўзбекистонда жадал ривожланиб бораётган оммавий ахборот воситаларида одатий ҳолга айланган ахлоқий муаммоли ёндашув. 

Ушбу веб-сайт президент Шавкат Мирзиёев 2016 йилда ҳокимият тепасига келганидан буён янги оммавий ахборот воситалари жадал ривожланаётган бир пайтда яратилган кўплаб сайтлардан биридир.

Effect.uz 2019 йилда рўйхатдан ўтганидан бери жамоатчиликда катта қизиқиш уйғотди, шу билан бирга, расмий журналистик маълумот чекланган суд жараёнларига катта эътибор қаратди. Май ойида олти ярим йилга озодликдан маҳрум қилинган журналист Отабек Сатторий иши ёритилиши бунга ёрқин мисолдир. 

Сатторий иши Мирзиёев даврининг нисбий либераллашуви ниҳоясига етиши мумкин, деган хавотирга сабаб бўлган ишлардан биридир.

Тағин ўқинг
24 феврал 2020
Брюс Панье, RFERL.ORG 2005 йил 13 май куни эрталаб яқиндагина қамоқхонадан қочиб чиққан бир гуруҳ қуролланган шахслар Ўзбекистон шарқидаги ...
30 апрел 2020
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ўтди. Бундан олдин ўша ...
30 декабр 2016
Kun.uz сайти 27 декабрь куни электр энергиясидаги узилишлар туфайли бир неча бор ишламай қолганини маълум қилди. Сайт бунга баъзи ...
25 декабр 2017
22 декабрь куни Шавкат Мирзиёев Олий Мажлисга Мурожаатнома тақдим этаркан, тўрт соатлик узлуксиз нутқида, жумладан, депутатларнинг ўта пассивлигини кесатиб ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...