Асосий мавзулар
19 сентябр 2018

Сотганимиздан олганимиз кўп

Жорий йилнинг ўтган саккиз ойида Ўзбекистоннинг ташқи савдо
айланмасида импорт суръатининг ўсиши экспортникидан қарийб етти баробардан кўпроқни ташкил этди.

Давлат статистика қўмитасининг расмий маълумотларига кўра, ўтган давр мобайнида мамлакатнинг ташқи савдо айланмаси 20,6 миллиард долларни ташкил этган ва ўтган йилнинг шу даврига нисбатан 18,5 фоиз ўсган.

Экспорт ҳажми 8,6 доллар бўлиб, ўсиш 4,4 фоизни ташкил этган. Импорт эса 12 миллард доллар ҳажмида бўлиб, 31,2 фоиз ўсган.

Агар расмий маълумотларни таҳлил қилсак, Ўзбекистон хизматлар (23,1 %), энергия ташувчилар ва нефть маҳсулотлари (20,4 %) ва озиқ-овқат маҳсулотлари (8,6 %) экспортида сезиларли ўсишга эришганини кўриш мумкин.

Энг эътиборлиси, жорий йилда мамлакат экспортида пахта толасининг улуши арзимаган 3,1 миллион долларни ташкил этди. Бу ҳолат Ўзбекистон пахта толасини хомашё сифатида хорижга сотишни анча камайтирганидан далолат беради.

Бу ҳолат импортда ҳам ўз аксини топган. Мамлакат пахта толасини қайта ишлайдиган машиналар хариди учун 361 миллион доллар сарфлаган. Бу сўнгги йилларда кузатилаётган тенденциядир.

Бунинг натижаси ҳозирданоқ сезилмоқда. Жорий йилнинг январь-август ойларида тўқимачилик маҳсулотлари экспорти 870 миллион доллардан ошган ёки ўтган йилнинг шу даврига нисбатан 15,6 фоиз ўсган.

Хизматлар экспортининг кўпайганини эса Ўзбекистоннинг яқин қўшнилари билан алоқалари яхшилангани, шунингдек, туризм ривожига қаратилган ислоҳотлар натижаси дейиш мумкин.

Чунки экспортнинг бу турида асосий улуш транспорт хизматлари ва
сайёҳлик соҳаларига тегишлидир.

Сўнгги йилларда Ўзбекистонда мева-сабзавот маҳсулотлари экспортига катта эътибор бериляпти. Шу мақсадда пахта майдонлари қисқартирилаётгани ҳам бор гап.

Бунинг натижаси ўлароқ, жорий йилда мева-сабзавот маҳсулотлари экспорти сезиларли ўсган. Ҳали Ўзбекистонда такрорий экинлардан ҳам яхшигина ҳосил кутилаётгани инобатга олинса, бу тармоқдаги экспорт ҳажми каттагина миқдорни ташкил этишини башорат қилса бўлади.

Кўпчилик Ислом Каримов даврида Ўзбекистон ташқи савдо айланмасида ҳар доим ижобий сальдога эришилишига ўрганиб қолганди. Энди бу қанчалик тўғри ёки нотўғрилигини билмадик.
Лекин жорий йилги саккиз ойлик сарҳисоби ташқи савдода 3,4 млрд.
долларлик салбий сальдога йўл қўйилганини кўрсатмоқда.

«Бунга сабаб Ўзбекистоннинг ўз иқтисодиётини жадал суръатда
модернизация қилишга киришганидир, – дейди мустақил таҳлилчи Абдулла Раупов «Элтуз» мухбири билан суҳбатида. – Чунки бу даврдаги импортнинг 40 фоизи машина ва ускуналар ҳиссасига тўғри келмоқда.

Унинг фикрича, агар бу ҳолат узоқ муддат давом этмаса, иқтисодиётнинг модернизациялашуви самараси ўлароқ тезда ташқи савдода ижобий сальдога қайтамиз.

“Ўзбекистон ўзининг халқаро майдондаги имижини тобора яхшилаб
бормоқда. Бу эса унинг ташқи қарзлар олиш имконини оширади. Агар биз иқтисодиётни модернизациялаш учун янги технологиялар харид қилаётганимиз сабабли бир-икки йил давомида ташқи савдода минус сальдо кузатилса, бунинг ўрнини ташқи қарзлар билан қоплаб туриш имконияти бор. Бу иқтисодиёт учун унчалик қўрқинчли эмас”, деди мустақил кузатувчи.

Eltuz.com

Тағин ўқинг
17 феврал 2018
Ўзбекистон телеканалларидан бирида намойиш қилинаëтган “Севги изтироблари” кўп қисмли фильми душанба кунидан бошлаб эфир сеткасидан ташланади. Бу ҳақда «Элтуз»га ...
22 декабр 2016
21 декабр куни Тошкент шаҳар судида Даврон Норбоев ҳакамлигида диний экстремизмда айбланаётган тўрт нафар шахс устидан суд давом этди. ...
6 апрел 2017
Президент Мирзиёевнинг «Ўзбекистон» ва «Ёшлар» телеканалларини, хусусан, «Ахборот» кўрсатувини «ура-урачилик замони ўтгани» тўғрисида огоҳлантиргани ортидан ўзбек оммавий ахборот воситаларида ...
19 сентябр 2016
16 сентябр куни Ўзбекистондаги ЎзЛиДеп партиясидан мамлакат вақтли президенти Шавкат Мирзиёевнинг номзодини илгари сурилганди. Унинг ортидан расмиятчилик учунгина кўрсатиладиган, ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...