Кўзқараш
10 март 2020

Арипов 400 эски жой номини ўзгартирмоқчи

Ўзбекистон бош вазири Абдулла Арипов иштирокидаги йиғилишда республика бўйича 300 дан зиёд қишлоқ ва маҳалланинг, 400 га яқин кўчанинг эски, советлар даврига хос ёки бирор мантиқсиз, тушунарсиз номи ҳалигача сақланиб қолаётгани танқид қилинди.

Қизиқ, қайси номлар? Менга қизиқ. Бундай номларни ими-жимида алмаштирмай эълон қилишларини, янаям яхшиси, шу аҳоли пунктларида яшайдиган аҳолининг фикри асосида алмаштиришларини хоҳлардим.

Топонимия муаммолари ҳақида менчалик кўп ва хўб ёзган бўлмаса керак. Канал очилганидан буён, ҳатто у очилишидан анча аввал бу муаммони кўтарганман. Тарихий жой номларини сақлаш тарихий қўлёзмаларни ё тарихий биноларни сақлашдай муҳим ва масъулиятли вазифадир.

Бу борадаги қарорлар тўппа-тўғри бўлганда ҳам ишни бюрократларга эмас, топонимистлар ва тилшуносларга, тарихчи ва этнографларга топшириш керак, деб ўйлайман.

Мафкурага йўғрилгани боис советча номларни сақлашдан маъни йўқдир балки (агар конкрет совет даврида қурилмаган бўлса).

Лекин эски номларни ўзгартиришда эҳтиёт бўлиш керак. “Мантиқсиз, тушунарсиз” деб баҳоланадиган жой номлари замирида одатда бирор тарихий воқелик ётади: уруғ номи, одат номи, анъанавий ном ва ҳоказо.

Буларни жиддий ўрганмай туриб, “Бахтобод”, “Гулистон”ларга алмаштириб ташлаш жиддий хато бўлади.

Эҳҳ, шунча ёзганим билан гапларим энг юқорига етиб бормаслигини биламан. Ҳеч бўлмаганда, обуначиларим мени эшитиб, бошқаларга етказишга ҳаракат қилса, гапирадиганлар кўпайса, балки ўзгариш бўлар.

Эльдар Асанов,
Телеграмдаги «Асанов формати» блогери

Тағин ўқинг
28 феврал 2018
Ўзбекистон Миллий хавфсизлик хизмати собиқ раиси, қўли узун Рустам Иноятовнинг ўғлига тегишли кўчмас мулклар ҳақида Open Source Investigations (OSI) ...
3 июл 2020
Ёмғирдан қутулиб, дўлга тутилишми? Ўзбекистон пахта секторини хусусийлаштириш жараёнидаги хатарлар Power Briefs туркумининг Ўзбекистондаги пахта секторини хусусийлаштириш жараёнида асосий ...
24 ноябр 2016
Бугунга келиб Бош вазирнинг виртуал қабулхонаси орқали ечилаётган муаммоларнинг аксарияти ниҳоятда жўн ва майда масалалар экани аён бўлиб қолмоқда ...
24 феврал 2020
Брюс Панье, RFERL.ORG 2005 йил 13 май куни эрталаб яқиндагина қамоқхонадан қочиб чиққан бир гуруҳ қуролланган шахслар Ўзбекистон шарқидаги ...
Блоглар
13 январ 2021
Кun.uz профессионалларни ишга қабул қилар эмиш. Катта маош, икки маҳал овқат. Сиҳатгоҳнинг ўзи-я! Бундай ишхонани ...
11 январ 2021
Таниқли шоир Баҳром Рўзимуҳаммад 60 ёшда Баҳром ака индамайгина олтмишга кирибди. Ботинан қаралганда, ундай эмас. ...
6 январ 2021
Тинч турурми бу кўҳна дунё, Тинч турурми доғули замон… А.Орипов. Коронавируснинг янги штампи дейиляпти. Бу ...