Асосий мавзулар
25 май 2021

Ўзбекистонликларнинг оиладаги зўравонликка нисбатан бағрикенглиги

Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир.

Бу ҳақда Eurasianet нашри ёзди.

15 май куни БМТнинг Оила халқаро кунига бағишлаб «Ижтимоий фикр» давлат тадқиқот гуруҳи томонидан ўтказилган сўровда қатнашганлар хотинлар эрларини ранжитган тақдирда улар куч ишлатишга ҳақли эканини таъкидлашди.

Сўров телефон орқали бутун мамлакат аҳолиси орасида ўтказилган, аммо «Ижтимоий фикр» қанча одам сўралгани ҳақида маълумот бермаган.

Мақолада «оилавий зўравонлик кўп ҳолларда ажралишга олиб келмайди, чунки [ҳукмронлик қилувчи] эри томонидан шафқатсиз муносабат остида бўлган аёллар ўз никоҳларини сақлаб қолиш учун қаршилик кўрсатишмайди», дея урғуланган.

Сўров иштирокчиларининг 64,4 фоизи фарзандлар манфаати учун никоҳни сақлаш керак, дея билдиришган.

Тадқиқот, шунингдек, биринчи навбатда нима учун оилада зўравонлик юз беради, деган масалага тўхталган. Сўралганларнинг тахминан 23,5 фоизи буни спиртли ичимликлар ва гиёҳвандлик моддаларини истеъмол қилиш билан боғлашган бўлса, яна 22,1 фоизи ўзаро тушунмаслик, 20,6 фоизи эса зўравонлик илдизларини моддий қийинчиликлардан излашмоқда.

Оилавий зўравонлик муаммоси Ўзбекистонда узоқ вақт табу остида бўлган, аммо президент Мирзиёев 2016 йилда иқтидорга келганидан бери унга бир оз кўпроқ эътибор қаратилмоқда. Ундан аввалги раҳбар Ислом Каримов даврида «оиладаги зўравонлик» атамаси қонунчилик актларига киритилмаган. Ҳуқуқбузарлик мавжуд бўлмагани боис, унга қарши жазо ҳам кўзда тутилмаган. Одатда аёлларни ҳимоя қилиш механизмлари заиф бўлган.

2019 йили «Хотин-қизларни тазйиқ ва зўравонликдан ҳимоя қилиш тўғрисида»ги қонун қабул қилинди.

Ушбу қонун моддаларидан бирида иш жойидаги аёлларга нисбатан сексуал, жисмоний, иқтисодий ва руҳий босим ҳақида аниқ гап боради. Қонунга мувофиқ, тажовуз ва зўравонлик жабрдийдалари ариза ёзишлари  ва ҳимоя олишлари мумкин.

Ушбу қонундан кенг фойдаланилди. 2020 йилда 14 774 та шундай ариза қабул қилинди.

Тағин ўқинг
14 октябр 2016
«Халқ сўзи» газетаси (12.10) юртимизда 4 декабрь куни бўлиб ўтадиган президент сайловини кузатиш учун Марказий сайлов комиссияси ЕХҲТ, Шанхай ...
5 июн 2017
«Ўзбекконцерт» бирлашмасида президент девонидан келган вакил иштирокида ўтказилган шошилинч йиғилишда ижтимоий тармоқда пайдо бўлган “Султонимиз омон бўлсин!” қўшиғи кескин ...
18 декабр 2018
Сизга омад тилайман, азизим. Оддийгина омад. Кўчада кетяпсиз, сизни мошина босиб кетмади. Тасодифан ўрмонда мурдани кўриб қолиб полицияга хабар ...
22 август 2018
Промка ҳожатхонаси орқасидаги катта ўра нажас билан лиқ тўла. Қўлида учи айри узун хода ушлаган Ғулом нажас олти нафар ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...