Кўзқараш
23 ноябр 2021

Немис йўли

Янги миллий кутубхона қурилиши (янги миллий театр қурилиши ҳам) янги ва яп-янги Ўзбекистондаги энг кераксиз лойиҳа. Кечагина қурилгани Навоий кўчасида савлат тўкиб турибди.

Ёнидаги Симпозиумлар саройига эса қурилганидан бери тадбир тополмай ҳалакмиз. Ҳар йили у вазирлик бу вазирликка, бу қўмита у қўмитага Симпозиумлар саройида тадбирлар режаси учун хат ёзади.

Симпозиумлар саройи, Форумлар саройи ва шифтига Сваровски қандиллари осилган бошқа кўплаб муҳташам, лекин нофункционал саройлар каби иқтисодий жиҳатдан зарарли лойиҳа.

Топган пули эксплутацион харажатларни (электр, сув, тозалик, ишчи кучи) қопламайди. Агар давлат миллий кутубхонанинг эски Ўзбекистон давридаги кўч-кўчлари учун уялаётган ва адолатни тикламоқчи бўлса, унинг Мустақиллик майдонидаги биносини қайтиб бериши мумкин.

Совет даврида кутубхона учун қурилган бу бино аввал Сенатга берилди, энди эса президент ихтиёрида. Янги кутубхона қурилиши инновация ҳам, келажак учун инвестиция ҳам эмас. Навбатдаги престиж лойиҳаси. Замон эса тубдан ўзгарди.

Одамлар кутубхонанинг компьютерида, таблетида ёхуд смартфонида бўлишини истайди. Масофадан туриб кутубхона ичида бўлгиси келади. Агар ҳукумат миллий кутубхона фондини тўлиқ рақамлаштирса ва уни Яйпандаги, Хонқадаги ва ё Бойсундаги ўқувчи учун ҳам «доступний» қилиб қўйса, бу янгилик, бу инновэйшн. Китобларни рақамли форматга ўтказиш учун эса миллиардларни сарфлаб янги бино қуриш шарт эмас. Китобни сканер қиладиган аппаратдан ўнта олиб, ташландиқ ертўлада ҳам қилсангиз бўлади бу ишни. Асосийси, узлуксиз электр бўлса бас:))

«Энди Германия йўлидан бориб ривожланамиз», дейилди энг катта минбардан туриб. Германия йўли шакл эмас, балки моҳият устуворлиги, муҳташамлик эмас, балки функционаллик диктатураси, бир марталик тўй эмас, узун барқарор умр фалсафаси…

Биз кўп эслайдиган Германия иқтисодий мўъжизаси ташқаридан бировнинг назарига кирмайдиган пастқамгина кўринимсиз бинода ишлаб чиқилган ва қабул қилинган юзлаб қонунлар асосида юз берди.

Демоқчи бўлганим, бинолар доим ҳам мамлакат тараққиётини белгилаб беравермайди. Боридан фойдаланиб, маблағларни халқнинг бирини икки қиладиган, мамлакат иқтисодиётининг рақобатдошлик даражасини кўтарадиган ишларга сарфлаган маъқулроқ…

Хуршид Ҳабиб

муаллифнинг фейсбукдаги саҳифасидан

Тағин ўқинг
27 феврал 2024
Ўзбекистонда кейинги кунларда мансабидан фойдаланиб товламачилик қилиш, таъмагирлик, рейдерлик, одамларни алдаб пулини олиб қайтармаслик, қўрқитиб жиноятларига шерик қилиш холатлари ...
30 март 2019
Президент Мирзиёев 27 март куни имзолаган қарорга кўра, “Ўзбекэнерго” акциядорлик жамияти “Иссиқлик электр станциялари” АЖ, “Ўзбекистон миллий электр тармоқлари” ...
20 июн 2016
Қирғиз матбуотининг билдиришича, 18 июн куни милицияга мурожаат қилган жалолободлик аёл, қишлоқ масжиди имомининг ўз ўғлини зўрлагани ҳақида ариза ...
29 ноябр 2019
Жажжигина ўғил бола отасидан сўради:– Яхши деган cўз нимаю, ëмон деган нимаси? Бу мисраларни ëзган шоир Владимир Маяковский «Нима ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...