Кўзқараш
17 май 2023

Рассом Туз: Помпеянинг охирги куни

Бундан 10 йилча олдин Прагада дарë тошиб, уйларни ғарқ қилади деган гапни офатдан бир кун олдин айтишди. Қизиқ туйғу эди бу. Мана дарë. Мана уйлар. Мана шаҳар. Ҳали фалокат юз бермади. Лекин юз бериши аниқ. Фақат одамларни эвакуация қилишди. Табиий офат барибир келиши ва уйларни ғарқ қилишини билиш ва бунга қарши ҳеч нарса қила олмаслик ҳиссини яшади шаҳар. Бу офат олдидаги иложсизлик эди. 

Бугун алжираган саводсиз муллалар кетида югураëтган Ўзбекистондаги оломонни кўриб, бу мамлакатнинг эртага чуқур фалокат остида қолиши, ҳозирги Афғонистондан баттар радикализм ботқоқига ботишини аниқ билиб турибман. Табақалашиши баробарида астрономик даражада онг ва тафаккурдан мосуво бўлган маймунлар галасига айланмоқда бутун бир халқ. Кеча Элтуз Бош муҳаррири Қудрат Бобожон бир гап айтди: «1990 йилда эктрасенс Аанатолий Кашпировский Ўзбекистонга келиб, буларни афсун қилиб, мияси ишламайдиган бир хужайрали амëбаларга айлантириб кетган». Гапнинг бўладигани шу. Бу мамлакатнинг оти ўзмайди. Халқи фаровон бўлмайди. Саводсизлик ëнида эса вахший жаҳолат келади. 

Чўлда тўрт ўзбек бир хотинни қувалаб юрган видеосини кўрдик. Бу бир ишорат. Хамир учидан патир. Эртага бундан баттар бўлади. Буни билиб туриб, бу офатга қарши туролмасликдан одам даҳшатга тушади. Бундан 10 йилча олдин Прагада бўлгани каби одамларни офат зонасидан эвакуация қилиш мумкин. 

Бу офатни олдиндан сезганлар бор будини сотиб, Мексика чўлларида АҚШга ўтаман деб, саргардон юрибди. Кейинги 4 ойда Россияга кетаëтган ўзбеклар оқими чандон каттайган. Ерни жинсий олатига бўлса ҳам кетишга тайëр одамлар. Раҳбарларнинг деярли ҳаммаси Ғарб ва АҚШда¸ Туркия ëки Дубайда ховли-жойлар сотиб олиб, запасной аэродромни тап тайëр қилиб қўйибди. Чехия кадастрини қарасангиз, ўзбек вазирлари фамилияси билан бир хил бўлган исмлар номига олинган виллаларни кўрасиз. Кемага тушганни жони бир эмас. 

Кимлардир мамлакатни ғарқ қиладиган жаҳолат қурбони бўлиб, зомбиландда яшашга маҳкум. Шарқдаги илм машъали бўлган Ўзбекистоннинг диний таназзул ботқоғига ўта катта тезликда чўкаëтганини кўриб туриш унчалик ҳам мароқли томоша эмас. Матнга илова қилинган расм «Помпеянинг охирги куни» деб аталади.

@eltuz2022

Тағин ўқинг
19 май 2020
Лейтенант чиқиб, «Бу ерда тўпланишиб туришма, тез кетиш», деб милисахона эшигини ëпди. Ҳаëтилланинг олди айнагига стикер ëпиштирилган  «Дамаси»га Абсаттор ...
23 декабр 2015
Eltuz Мамадали Маҳмудов билан журналист Малохат Эшонқулова қилган видеосуҳбатнинг биринчи қисмини эътиборингизга ҳавола қилади.
19 апрел 2023
Салом қадрли мухлислар, бугун 19 апрел, эътиборингизга Элтуз «600 секунд»нинг навбатдаги сонини тақдим этади. +++ Сурхондарё вилояти Узун туманидаги ...
10 январ 2022
Ўзини бир гуруҳ фаоллар деб таништирган гуруҳ Eltuz телеграм каналига ёзиб, қуйидаги мурожаатни чоп қилишни сўрашди. Қуйида уларнинг мурожаати: ...
Блоглар
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...
30 апрел 2024
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ...