«Бош вазир келармуш»

Кеча шармандали бир воқеанинг гувоҳи булдим. Ёзёвон йўлидаги Шаҳартепа қишлоғига бир иш билан бордим. Йўлнинг икки четини 100 дан ортиқ эркаклар (!) супуришябди. Кейин пахтазор дала бошланган жойда 400 дан ортиқ эркагу-хотин пахта даласида уймалашиб ётишибди.

Деярли барчасининг қўлида ПВА клей, чаноқларга бири клей суртябди, иккинчиси тайёр пахтани чаноққа ёпиштирябди. Кейин бошқа даладан пахтани чаноғи билан териб келишди ва ғўза тупига ип билан боғлай бошлашди. Ҳатто 20-30 туп қийғос очилиб турган ғўза тупларини кўчириб келиб дала бошига “экишди” ҳам. “Нега?” деган саволимга «Бош вазир келармуш» деган жавоб олдим.

Вилоят ҳокими Шуҳрат Ғаниев бу афёрада шахсан ўзи бош-қош бўлиб турибди. Одамлар бундай сохтагарчиликларга тўлиқ кўникиб бўлишибди, жиддий тарзда пахтани шипиллаб клейлаб ташлашябди.

Мирза Анвар Хамидов,
Eltuz.com