Асосий мавзулар
27 октябр 2016

Ўзбек киноси дарғаси Мелис Абзалов Швецияда дафн этилди

26 октябр куни 78 ёшида вафот этган таниқли кинорежисер Мелис Абзаловнинг жанозаси Стокҳолмнинг Кунгсэнген бўлгасида жойлашган мусулмон қабристонида ўқилди.

Машҳур кинорежиссер Мелис Абзаловнинг ўғли анча йиллардан буён Швецияда яшаётган Жалолиддиннинг билдиришича, сўнгги бир йил мобайнида Швецияда қолган отаси Мелис Абзаловнинг сўнгги истаги уни фарзандлари ёнида қолдиришлари бўлган.

rasm4035
Назира Абзалова, бугунги кунда ота изидан бормоқда

Бугунги кунда таниқли режиссернинг икки қизи ва бир ўғли, еттита набираси ва олтита эвараси Швецияда истиқомат қилади.

Унинг ўғли Жалолиддин ва кенжа қизи Назира ота касбини танлаб Тошкентдаги Театр ва рассомлик институтини тугатишган.

Қизи Назира Абзалова кино актёрлиги сохасини танлаган, у бугунги кунда Швецияда бир қанча кичик лойихаларда иштирок этаётганини айтади.

«Дадам қаттиқ қарши бўлган актриса бўлишимга. Агар бу йўлни танлайдиган бўлсанг, мен сенга ҳеч қандай ёрдам бермайман деган. У узоқ вақт ишонмаган мендаги иштиёқнинг кучли эканлигигига», дейди бугунги кунда отасининг изидан бораётган Назира.

rasm4033
Жалолиддин Абзалов, кинорежиссернинг тўнғич фарзанди ҳам бугун Швецияда яшайди

Ўғли Жалолиддин Абзалов мутахассислигига кўра постановкачи рассом, «Ўзбекфильм» томонидан ишланган бир қанча фильмларнинг декорацияларини тайёрлашда унинг меҳнати синган.

«Дадамларнинг ҳаётлари тўлақонли бўлган. Биз ҳам отамизнинг изидан бордик. У ўз фарзандларини таълим берди, олий маълумотли қилиб етиштирди. Унга Швециянинг гўзал иқлими ёқди, умрининг сўнгини фарзандлари ёнида кечиришни истади», дейди Жалолиддин.

Жанозага ташриф буюрганлар орасида умрининг сўнгги йилларида кинорежиссер қалин дўст тутинган швециядаги Туркистон жамияти раиси Фарруҳ Содиқовни учратдик.

rasm4034
Фарруҳ Содиқов, Швециядаги Туркистон жамияти раиси, Абзаловнинг жонажон дўсти ва қудаси

«У билан яқиндан танишлигимиз Швецияда бошланди, қариндош бўлдик, ўғлим унинг ўртанча қизи Лолага уйланди. Уни мен маданиятли ва камтар инсон сифатида танидим, бирга набиралар кўрдик», дейди унинг қудаси ва қиёматлик дўсти Фарруҳ Содиқов.

Швеция пойтахтида ўтган жаноза маросимида, машхур кинорежиссернинг Швециядаги яқин қариндошлари ва 50 дан зиёд ёр дўстлари, швециядаги ўзбек жамияти вакиллари иштирок этишди.

Ўзбекистон расмий матбуотида эса, «Келинлар қўзғолони», «Суюнчи», «Чинор остидаги дуэль», «Майсаранинг иши”, » Ўтган кунлар», «Чимилдиқ”, «Армон» фильмлари билан танилган кинорежиссер Мелис Абзалов ўлими ҳақида деярли эсланмади

eltuz.com

Тағин ўқинг
20 июл 2016
Ўзбекистон Халқ артисти Эркин Комиловнинг ўзи билан содир бўлган воқеани айта туриб, Тошкентга вилоятдан келаётганларни уят гап билан сўкканини ...
28 октябр 2016
«Ҳуррият» газетасидаги (22.10) «Журналист сўзи – жамоатчилик эътиборида» сарлавҳали мақола мамлакат оммавий ахборот воситаларида эълон қилинган таҳлилий ва танқидий ...
20 август 2018
Муҳаммад Бекжон 2000 йилнинг 29 ноябрида Ўзбекистоннинг энг катта қамоқхонаси ҳисобланган Навоий зонасига этап қилинади. Тағин карантин, ломка, турма ...
14 феврал 2017
14 феврал севишганлар куни Андижонлик Абдусалом Каримов Прагада юрак шаклидаги сомсалар ишлаб чиқаришни йўлга қўйди. Шу пайтгача, Прагада юрак ...
Блоглар
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...
12 январ 2025
Турли мавзуларга ўз қараши билан фарқланадиган блогер Кирпи Президентнинг 380-сонли қарори асосида 1000та китобнинг ўзбек ...