Cатира
3 феврал 2020

Ҳокимтўра, янги тўнингиз қуллуқ бўлсин!

Ўқитувчиларни мажбурий меҳнатга жалб қилишда узоқ йиллар жонбозлик кўрсатиб келган Андижон вилояти ҳокими Шуҳратбек Абдураҳмонов “Халқ таълим ҳомийси” кўкрак нишони билан мукофотланди. 

Халқ таълими вазирлиги томонидан тақдим этилган бу янги “тўн”ни шахсан вазирнинг ўринбосари ҳокимнинг “елкасига ёпди”. 

Ш.Абдураҳмоновга бу кўкрак нишони 2019 йилда вилоятда “мактабларнинг моддий-техника базасини яхшилашга қўшган ҳиссаси учун” берилди. 

Аввало, айтиш керакки, ҳоким мактабларни ўз ҳисобидан жиҳозлагани йўқ. Барча ишлар давлатнинг пулига қилинган. 

Қолаверса, вилоят ҳокимининг халқ таълими соҳасига муносабати борасида ҳар доим ҳам илиқ гапларни эшитмаганмиз. 

Масалан, 2017 йилда бюджет ташкилотлари ходимларини пахта теримига мажбурий чиқаришни жиноят деган Андижон вилояти ҳокими ўқитувчи ва тиббиёт ҳамшираларини яна далага ҳайдаётгани ҳақида хабарлар тарқалганди. 

Бунга жавобан ҳокимнинг матбуот хизмати улар ихтиёрий равишда, виждон амри билан пахтага чиқаётгани ҳақида сафсата сотганди. 

2018 йилда эса Шуҳратбек Абдураҳмонов “маънавият ҳашари” уюштириб, бюджет ташкилотлари, жумладан, ўқитувчиларнинг ҳам бир кунлик иш ҳақини ҳокимликнинг махсус ҳисоб рақамига ўтказиш тўғрисидаги фармойиши билан тилга тушганди.  

2019 йилда вилоятда ўқитувчилар ва ўқувчилар нафақат мажбурий меҳнатга мажбур қилингани, балки улар футболга чипта олишга ҳам мажбурланаётгани шов-шув бўлганди. 

Шу ўринда “қўйларга қоровулликка тайинланган бўрилар”ни рағбатлантириш худди бугунги давлат сиёсатининг бир қисмига айланаётгандек таассурот уйғонади. 

2019 йил Фарғона вилояти ҳокими Шуҳрат Ғаниев учун анча оғир келганди. Унинг орқа-олдига қарамай қўл остидагиларни сўкаётгани ёзилган аудиолар ёмғирдан кейинги қўзиқориндек тарқаб, обрўсига анча соя солиб қолганди. 

Ҳатто бу оғзи шалоқлиги масаласи Сенатда кўрилиш даражасигача бориб етганди. 

Аммо шунча қилмишларига қарамай, ўтган йили давлат раҳбари уни “Меҳнат шуҳрати” ордени билан тақдирлаб, барчани ажаблантирган эди. 

Агар давлат сиёсати шу бўлса, унда бир ўринли таклиф бор.

Келинг, президентдан мақтов олиш учун метрони пала-партиш қуриб, ҳатто қурувчилар ўлимига “ҳиcса қўшаётган” Очилбой Раматовга “Метроқурувчилар ғамхўри”, амалдорларни ариқ сувига тушириб қўйгани билан танилган, кейинчалик Қашқадарё вилояти ҳокими мартабаси билан сийланган Зоир Мирзаевга “Резина этик сотувчилар кўмакдоши”, минглаб меҳнат мигрантларнинг алданишига йўл очаётган меҳнат ва бандлик вазири Нозим Ҳусановга “Хусусий миграция агентликлари ҳомийси“ кўкрак нишонларини берайлик. 

Рағбатнинг бу каби кўриниши амалдорларни “халққа янада яқинлаштирармиди?!”

Eltuz.com

Тағин ўқинг
27 декабр 2017
Президент Мирзиёевнинг Олий Мажлисдаги танқидидан сўнг Молия вазирлигидаги 500 дан зиёд ходим бўшатилди. “Молия тизимининг номига доғ тушираётган “каламушлар”ни ...
4 июл 2017
Ўтган июн ойида Ўзбекистон телеканалларида ОАВ ҳақидаги чиқишларга бой бўлди. Бунинг биринчи сабаби 27 июнда ўзбек журналистларининг касб байрами ...
9 декабр 2019
7 декабрь куни президент Шавкат Мирзиёев, ҳар йилги анъанага кўра, Ўзбекистон Конституциясининг 27 йиллигига бағишланган тантанали йиғилишда нутқ сўзлади. ...
19 октябр 2017
15 октябр куни Самарқандда “Қўрқмаслар” гуруҳини тамсил қилувчи фаоллар – Малохат Эшонқулова ва Елена Урлаева ички ишлар ходимлари томонидан ...
Блоглар
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...
4 феврал 2020
Президент Мирзиёев 31 январь куни Давлат геология ва минерал ресурслар қўмитасида ўтган учрашувда «бир кичкина ...