Асосий мавзулар
22 декабр 2016

Бош муҳаррир ҳоким журналистларнинг оғзини мойлаб туриши билан мақтанди

“Ҳуррият” газетасида (21.12) босма нашрлар ҳақида чоп этилган мақола сарлавҳасини ўқиб, унда долзарб масала кўтарилган экан, деб ўйлашингиз мумкин.

“Расмий газеталар ўз обуначиларини топа олмайдими?” сарлавҳали бу мақола “Баъзида одамлар ўртасида “Расмий газеталар қизиқарли эмас”, деган фикрларга гувоҳ бўламиз”, дея бошланади.

Аммо мақола давомида сарлавҳага чиқарилган саволга жавоб топаман деб овора бўлманг. Чунки уни ўқиганингиз сари мақола муаллифи, “Қизилтепа тонги” газетаси бош муҳаррири аслида бу ниятда қоғоз қораламагани ойдинлашиб бораверади.

Бунинг ўрнига, у ўз газетасининг харидоргирлиги, халқни қизиқтирадиган мавзуларни ёритаётганига эътибор қаратиб, моҳиятан ўзини мақташга ўтиб кетади.

Мақтаниш жараёнида муаллиф туман ҳокими ҳар йили мустақиллик арафасида махсус тадбир ўтказиб, журналистларнинг оғзини мойлаб туришини билдириб қўяди.

Бу эътирофни ўқиганингиздан кейин нега журналистлар амалдорларни танқид қилишга журъат эта олмаслигини англагандай бўласиз.

Чунки ҳоким ҳар йили журналистларни “фахрий ёрлиқ, қимматбаҳо совғалар” билан тақдирлаб тургандан кейин уни танқид қилиб бўладими?!

Еган оғиз уялади-ку ахир!

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
8 сентябр 2015
Бугун немислар очиқ қалблар билан қочқинларни кутиб олишмоқда. “Берлинда мен Refugers welcome – Қочқинлар хуш келибсиз! деган шиорларни кўраман. ...
19 май 2016
Туркиянинг Мерсин шаҳар маҳкамаси ўз фарзандини калтаклаган Гулчеҳра Исоқулова устидан очилган жиноят ишини 17 май куни кўришга бошлади. Маҳкамада ...
21 январ 2019
(бу бор-йўғи ҳажвия, фақат қайсидир ҳоким ўз аксини кўрса, хафа бўлиш йўқ) Туманга кимсан вилоят ҳокими келиб халқни қабул ...
22 июл 2017
Эътироз билдиришга уриниб ҳам кўрманг, чунки бу бугуннинг ҳақиқати. Ўзбекистоннинг қайси вилоятига борманг, пахтазорда юрган, кўча супураётган, тезак, қоғоз, ...
Блоглар
11 декабр 2019
Кун ўтмоқда, сана ўзгармоқда, лекин ижобий ўзгаришлар рўй бермаяпти. Мен Одил Элмурод, ”Эзгулик” инсон ҳуқуқлари ...
10 декабр 2019
Ўзбекистон мусулмонлари идорасида раис ўринбосари бўлиб ишлаган Дилшодбек Ҳошимов ушбу муассасага Жаслиқ қамоқхонаси мулозимлигидан келган ...
9 декабр 2019
Абдували Қутбиддин 8 декабрь куни 59 ёшида Тошкентда вафот этди. Замондошлари наздида у ўзбекнинг далли ...