Асосий мавзулар
25 апрел 2017

Раҳмат Оқиловнинг чечен шериги дея гумон қилинган шахс қўлга олинди

23 апрел куни Стокголм ҳужумчиси Рахмат Оқиловнинг шериги дея гумон қилинаётган учинчи шахс қўлга олинди.

Қўлга олинган чеченнинг онаси ўғлини айбсиз дея ҳисоблайди. Фото: Expressen.se

Чечен миллатига мансуб 26 яшар йигит, қуролланган ва зирхли униформа кийган полициячилар томонидан қўлга олинганини ёзади жумладан Экспрессен нашри.

У Сконе вилоятининг Ўркеллунга (Örkelljunga) мавзейида, квартирага айлантирилган эски новвойхона ертўласида онаси билан яшаб келишган.

Унинг онаси, швед нашрига, полиция зобитлари эшикни бузиб киришгани, ўғлини ерга босиб, қўлига кишан солишганини айтади.

Она бола квартирага айлантирилган новвойхонанинг кам ёруғ тушадиган подвалида яшашган.Фото: Expressen.se

Махбуснинг онаси ватанида қодировчиларнинг ўғлига қийнаб азоб беришгани, жумладан резина калтак билан бошига уришганини эслайди.

«Дастлаб мен уларни Грознийдан жўнатилган спецназ деб ўйладим. Полициячиларнинг ҳаракати менга ўшаларни эслатди».

Унинг сўзларига кўра, Россия ҳукумати ўғлини Украинадаги урушга жўнатмоқчи бўлган, шу боис улар ватанни тарк этишга мажбур бўлишган.

Улар Швецияга 2014 йили Германия орқали келишган. Бу Раҳмат Оқиловнинг келиши билан бир вақтга тўғри келади.

«Ўғлимни хато айблашаяпти», дейди махбуснинг онаси.

Бундан илгари матбуотда, Рахмат Акиловнинг телеграм тармоғида чечен шериги билан ëзишмалари ошкор қилинган эди.

Шахсийда ёзган хатларида Ақилов бомбани қандай тайёрлаш кераклиги ҳақида сўраган ва бу ҳақдаги инструкция олган. Бундан ташқари, 7 апрелдаги воқеадан сўнг ҳам хат ёзишга улгурган.

У Стокголм марказида одамларни бостириши натижасида, кам ҳалокат бўлганидан афсусланиб, „машина бошқа ёққа кетиб қолгани“ни ёзган эди.

Гумонланувчи Рахмат Ақиловга тегишли бўлган телеграм аккаунтидаги бу маълумотлар, биринчи тергов суроқларидан сўнг, юзага чиқди.

Улар она бола бир йилдан бери, шу бино ертўласида яшаб келишади. Ҳанузгача, улар қонуний яшаш иқомати олишмаган.

Швед полицияси янги гумондор шахсига оид бошқа тафсилотларни очиқламаган.

Бундан илгари Самарқандлик Раҳмат Оқиловнинг яна бир ўзбекистонлик шериги қўлга олингани билдирилган эди.

Раҳмат Оқилов 7 апрел куни Стокҳолм марказида юк машинасини одамлар устига ҳайдаши натижада 4 кишининг ўлими ва 15 кишининг жароҳатланишига сабаб бўлган эди.

Eltuz.com

Тағин ўқинг
5 май 2016
«Гумроҳлар», «Алданган аёл», «Ажал жодуси», «Odnoklassniki» каби бугунги ҳукуматнинг мафкуравий талабларига жавоб берадиган фильмлар режиссёри Ҳилол Насимов бу каби ...
19 март 2019
Назарбоев махсус техника билим юртини тугатган. Олий партия мактабини битирганини айтмаса, олий маълумоти йўқ. Аммо бутун камчиликларига қарамасдан, Қозоғистонни ...
30 декабр 2016
Айни кунларда «мустақил газета» деган баландпарвоз мақом билан чоп этиладиган «Ҳуррият» нашрининг илк сони чиққанига 20 йил тўлаётир. Шу ...
26 сентябр 2015
Нафақат кўрганлар, бизга ўхшаб кўра олмаганлар ҳам эшитиб оғзимиз очилиб қолди. Ўша кўрсатувда бир гуруҳ ўзбек болалари .., ҳа-я ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...