Асосий мавзулар
18 январ 2018

“Ўзбекистонликларнинг автобусда ёниши – қашшоқлик ташхисидир!”

18 январь куни Самара-Чимкент автойўлида ёниб кетган эски “Икарус” автобусида 52 нафар ўзбекистонликнинг ҳалок бўлиши ижтимоий тармоқнинг ўзбек сегментида кўплаб саволларни ўртага чиқарди.

Нима учун яна айнан ўзбекистонликлар? Нега фожеа юз берган пайт автобус эшиклари очилмаган? Нега Россия-Ўзбекистон қатновига эски автобус қўйилган?

Лондонлик таҳлилчи Алишер Илҳомов: “Бу фожеа Ўзбекистон иқтисодиёти қашшоқ ҳолатда қолаётганининг яна бир ташхисидир”, дея ёзди.

“Мамлакатнинг иқтисодий ўсиши тўғрисидаги илгариги ва бугунги гаплар сафсата эканини эътироф этиш керак. Агар бундай бўлмаганида эди, мамлакат аҳолиси тўп-тўп бўлиб Россияга ишлагани чопишмасди. Мамлакатдан қочиб чиқаётганларнинг “нормал” транспорт – темир йўл ёки авиацияга пули йўқ. Улар Қозоғистон автобус ҳайдовчилари хизматидан фойдаланишади. Уларнинг хизматига талаб шу қадар каттаки, ҳатто бузуқ автобусларни ҳам ишга солишади. Аксинча йўл тутишса, фойдадан бенасиб қолишади.

Шу боис, содир бўлган воқеа аксарият аҳолиси қашшоқ ва оммавий миграция ёқасидаги мамлакат ҳолатининг мутлақо қонуниятли хотимасидир. Хўш, 2018 йил кутилаётган нархлар ошиши нимага олиб келиши мумкин? Мигрантларнинг янги тўлқинигами? У ҳолда бу каби янги фожеаларни башорат қилиш қийин эмас, дарвоқе, бундай воқеалар илгари ҳам бўлган”.

Мамлакатда мотам эълон қилиниши керакми?

Ижтимоий тармоқда юртдошларнинг ўлими юзасидан мамлакатда мотам эълон қилиниши керак, деган фикрлар янграмоқда.

“Нормал мамлакатда мотам куни эълон қилишарди. Ўзбекнинг жони шунчалик қадрсизми?” деб ёзди журналист Сирожиддин Толибов ўзининг фейсбукдаги саҳифасида.

“Биз етарли даражада тезкорлик билан расмий таъзиялар йўллаймиз… одамлар ҳалок бўлаётган барча давлатларга… ва бу тўғри! Бугун менинг 52 нафар ҳамюртим тириклайин ёнди… Ўзбекистонда мотам учун жуда етарли асос бор…”, дея ёзди бухоролик ҳуқуқ фаоли Шуҳрат Ғаниев.

Ҳозиргача Туркия ташқи ишлар вазири Мевлуд Човушўғли, бир қанча давлатлар раҳбарлари автобус ҳалокати муносабати билан Ўзбекистон ҳукуматига ҳамдардлик билдиришган.

Фожеани ўрганиш юзасидан президент Шавкат Мирзиёев ҳукумат комиссияси тузган.

Eltuz.com

Тағин ўқинг
20 сентябр 2015
“Ҳокимият томонидан ерим ноқонуний тортиб олиб қўйилди” деган шикоят билан ўтган йили Тошкент вилоятининг Қуйи Чирчиқ туманида истиқомат қилувчи ...
3 июл 2020
Ёмғирдан қутулиб, дўлга тутилишми? Ўзбекистон пахта секторини хусусийлаштириш жараёнидаги хатарлар Power Briefs туркумининг Ўзбекистондаги пахта секторини хусусийлаштириш жараёнида асосий ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ҳам газга ёлчимаяпти. Ўзбекистонда ...
27 ноябр 2017
Бош прокуратура ҳузуридаги департамент “Шаршара” савдо белгиси остидаги колбасалар эшак гўшти қўшилган ҳолда савдога чиқарилишининг олдини олганини маълум қилди. ...
Блоглар
12 август 2020
Бишкекда ҳибсга олинган ўзбек журналисти Бобомурод Абдуллаевнинг онаси Гавҳар Мадаминова 12 август куни Ўзбекистон президенти ...
10 август 2020
Коронавирус кундалиги Қизимнинг қўғирчоғи билан уйда ёлғизмиз. Иккимиз ҳам бир одамчани соғинаяпмиз. Фақат қўғирчоқ йиғлай ...
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...