Document UZ
5 март 2018

Муҳаммад Бекжон судланувчи журналистнинг онасига далда берди

Бобомурод Абдуллаевнинг суди бўйича «Элтуз» нашри олган сўнгги маълумотга кўра, собиқ сиёсий маҳкум Муҳаммад Бекжон қамалган ҳамкасбининг оиласига далда бериш ва судда қатнашиш учун Хоразмдан келган. Бироқ суд 7 мартга қолдирилган

Жиноят ишлари бўйича Тошкент шаҳар судида 5 март куни журналист Бобомурод Абдуллаев, блогер Ҳаëт Насриддинов, шунингдек, тадбиркорлар Равшан Салаев ва Шавкат Оллоëровнинг суди бўлиши кутилаётган эди.

Тошкентдаги фаоллар, хорижий дипломатик корпус вакиллари, Абдуллаев, Насриддинов, Салоев ва Аллоёровнинг яқинларидан иборат 50 тача одам 5 март куни эрталабдан суд биносига келишган эди.

3 март куни Бобомурод Абдуллаев ўзи билан учрашган адвокат Сергей Майоровга терговда содир этилган қийноқ тафсилотларини гапириб берган эди.

Унинг адвокатга билдиришича, бир метр узунликдаги пластик қувур ва компьютер шнури билан елкасига, чап қўлига ва оёғига урилган.

Олти сутка давомида ухлашга имкон берилмаган, 3 кун давомида Бобомурод бир кишилик камерада қип яланғоч ҳолда сақланган.

Шунингдек, у Ўзбекистоннинг амалдаги ички ишлар вазири Пўлат Бобожоновга ва яқинда МХХ раиси этиб тайинланган Ихтиёр Абдуллаевга қарши кўрсатма беришга мажбурланган.

Бобомуроднинг таъкидлашича, бу кўрсатмалар қийноқ остида берилган ва ҳақиқатни акс эттирмайди. Аслида у бу икки мулозим билан ҳаёти давомида умуман учрашмаган.

«Суҳбатнинг видеога олинаётганини тушунганим учун Бобомуродга жавобларни қоғозга ёзиб бериши мумкинлигини айтдим. У қалам билан жавобларни ёзиб турди. Кейин қоғозларни майда қилиб йиртиб ташлаётганимда тезкор ходим кириб, қоғоз қиймаларини тўплаб, ўзи билан олиб кетди», деди Сергей Майоров.

Бобомурод Абдуллаев Миллий хавфсизлик хизмати ходимлари томонидан шу йилнинг 27 сентябрида ўғирлаб кетилган.

Орадан уч кун ўтиб, унинг ҳокимиятни ағдаришга уринишда айбланаётгани маълум бўлган эди.

«Элтуз» нашри Абдуллаевнинг суди билан боғлиқ жараённи кузатишда давом этади.

Eltuz.com

Тағин ўқинг
29 октябр 2015
Eltuz манбасидан олинган хабарга кўра, 28 октябр куни Қашқадарё вилоятининг Қамаши туманида ички ишлар ходимлари Шуҳрат Рустамовни ушлаб олиб ...
17 май 2016
«Ўзбекистон овози» газетаси Ўзбекистон касаба уюшмалари федерацияси кенгашида Халқаро меҳнат ташкилоти (ХМТ) билан ҳамкорликда семинар ташкил этилгани ҳақида хабар ...
11 декабр 2017
5 декабрда Amnesty International инсон ҳуқуқлари ташкилоти ҳуқуқ ҳимоячиларининг ўлими ва уларнинг ўлдирилиши ҳолатлари кўпайиши тенденцияси мавжудлигини тасдиқлайдиган ҳисоботини ...
29 январ 2019
Ватанидаги янги ҳукуматнинг «очиқ эшиклар» ташвиқотига мафтун бўлиб, тезроқ мамлакатини зиёрат қилишга шошилаётган экспатлар (муҳожирлар – eltuz) бунинг оқибатини ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...