Асосий мавзулар
23 ноябр 2018

«Элтуз» раҳбари Умида Ниёзовага «Тинчлик мухбири» мукофоти берилди

Италиянинг Бари шаҳрида 22 ноябрь куни бўлиб ўтган махсус маросимда «Элтуз» нашри директори Умида Ниязовага «Тинчлик мухбири» (Reporter for the peace) мукофоти топширилди.

Мукофот Ўртаер денгизи аёл журналистлари форуми томонидан таъсис қилинган.

Форум тинчлик ва инсон ҳуқуқларини мустаҳкамлаш йўлида фаолият кўрсатаётган, айни ҳаракатлари билан «тинчлик элчиси» бўлган аёлларни рағбатлантиради.


Бу йилги мукофотни ижтимоий фотожурналист Марчелло Карроццо асари тамсил қилди.

Умида Ниёзова Берлиндаги Ўзбекистон-Германия инсон ҳуқуқлари форуми (UGF) ва «Элтуз» сайти директоридир. У Freedom House ва Human Rights Watch халқаро ташкилотларининг Тошкентдаги офисида ишлаган.

2007 йили Умида Ниёзова Тошкентда ҳибсга олинган ва «жамият хавфсизлигига ва жамоат тартибига таҳдид солувчи материаллар тарқатиш» ҳамда «экстремистик диний материаллар контрабандаси»да айбланиб етти йилга озодликдан маҳрум этилган эди.

Кенг миқёсда олиб борилган норозилик акциялари ва халқаро ташкилотлар ёрдамида 4 ойлик қамоқдан сўнг у озод этилади.

2009 йилнинг сентябрида Умида Ўзбекистонни тарк этади ва Германиядан сиёсий бошпана олади. Бу ерда у аввалига Ўзбекистон-Германия инсон ҳуқуқлари форуми (UGF)га, кейинчалик Ўзбекистондаги воқеаларни ёритувчи Еltuz.com сатирик-ахборот нашрига асос солади.

UGF сўнгги етти йил давомида Ўзбекистоннинг пахта етиштириш соҳасида болалар меҳнати ва мажбурий меҳнат бўйича суриштирув ҳужжатлари, далиллар, гувоҳликларни йиғиш билан шуғулланиб келади.

2008 йили «Ҳьюман райтс уотч» ташкилоти Умидани «Инсон ҳуқуқлари ҳимоячиси» дея аталган юксак мукофот билан тақдирлаган эди.

Eltuz.com

Тағин ўқинг
2 октябр 2019
Замонамиз турк ёзувчилари орасида Ўрхон Помуқ каби дунёда ном қозонган ўткир қалам соҳиби Алиф Шафақ китобхонлар орасида анча машҳур. ...
29 август 2022
Муҳаммад Солиҳ билан кечган суҳбатнинг 4-қисми шеърият ҳақида. Бироқ у ёшлигида рассом бўлишни орзу қилганини айтади. Шунингдек у маддоҳлик ...
17 июн 2019
«Жиян, энди мен сенга ҳеч қачон “ундай қилма, бундай қилма” демайман. Сени Аллоҳдан бошқа ҳеч ким, ҳеч нарса ислоҳ ...
2 октябр 2018
Таниқли ўзбек шоираси 59 ёшли Зулфия Мўминова республика ТВси орқали ўқиб берган янги шеърида болани «дунёлардан бехабар оқ каптар»га, ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...