Асосий мавзулар
11 март 2019

Фарғоналик 8-синф ўқувчиси ўғил туғди

Фарғона вилоятининг Бағдод туманидаги 16-ўрта мактабнинг 8-синф ўқувчиси 7 март куни чақалоқли бўлди.

Бу мактаб тумандаги Каримбобо қишлоғида жойлашган.

-7 март куни шу гап тарқалди, – деди қизнинг қўшниларидан бири. – Онаси уни аввал қўшни Бувайда тумани касалхонасига олиб борган. Ҳамма кўричак бўлиб қолди, деб ўйлабди. Кейин текширувлар натижасида қизнинг ой-куни яқинлашгани, у ҳомиладор эканлиги аниқланибди. 4 килою 700 граммли ўғил бола туғилибди. Ҳозирда қизни вилоят перинатал марказига олиб кетишибди. Ўша ерда текширувлар ўтказилар экан. Мактаб арининг уясидек бўлиб ётибди.


Гувоҳларнинг айтишича, қиз тўққиз ой мобайнида мактабга қатнаб юраверган. Ҳеч ким унинг ҳомиладорлигини билмаган. Ўзи семиришга мойилроқ, паканароқ қиз бўлгани учун ота-онаси ҳам семириб кетди, деб ўйлашган.


Чақалоқнинг отаси сифатида қиз ўзининг синфдошини кўрсатмоқда. Аммо 8-синф ўқувчиси бўлган ўғил бола “бундай иш” қилмаганлигини айтмоқда.

– Энди чақалоқ ДНК текширувидан ўтказилар экан, – дейди яна бир қўшни, – ўша куниёқ мактабга мелисалар, халқ таълими бўлимидан одамлар келди. Мактаб директори янги бўлган эди, униям мелисахонага, прокуратурага, халқ таълими бўлимига чақиртиришибди.


“Қизнинг дадаси касаллиги учун Самарқандга даволанишга кетган экан. У ҳам етиб келибди. Амакилари Россияда ишларкан. Улар ҳам келиб “разбор” қилмоқчи. Қизига яхши қарамагани учун келинойиларини ажраштириб юбормоқчи”, деди қўшни.


Бағдод тумани вояга етмаганлар билан ишлаш комиссияси котиби: “Бу маълумот бизга телефон орқали айтилди. Аммо ҳали ёзма шаклда етказилмади. Тартиб бўйича комиссияга ўша муассаса раҳбари, халқ таълими бўлими ёзма маълумот бериши керак. Ҳали бизга бу маълумот берилмади. Мен ҳам, ўз навбатида, бу ҳақда туман ҳокимига ёзма билдириш киритаман, деди “Элтуз” билан суҳбатда.

Воқеалар ривожини кузатамиз.

Eltuz.com

Тағин ўқинг
6 март 2019
Ўзбекистон Бош прокуратурасининг 5 март куни билдиришича, 10 йиллик қамоқ жазосини уйда ўтаëтган 47 ёшли Гулнора Каримова  “жазони ўташ ...
28 июн 2016
Бу ҳақда баёнот тарқатган “Эзгулик” жамиятининг билдиришича, жазо муддати узайтирилган Ғанихон Маматхонов ҳозирда ҳуқуқ фаоли Каттақўрғондаги 7-сонли тергов изоляторида ...
1 феврал 2016
Режиссер Саид Мухторов, “Хиёнат гирдоби” фильми туфайли анча обрў топди, матбуот назарига тушди. Чунки, фильм триллер жанрида бўлиб, ўзбек ...
2 апрел 2019
1918 йилнинг 2 апрелида Туркистондаги қозоқ миллий озодлик ҳаракати бўлган “Алаш ўрда” партияси етакчилари ўша даврда СССР раҳбарлари бўлган ...
Блоглар
14 ноябр 2019
Кеча Лоланинг клипидан сўнг қўштирноқ ичидаги «маънавият» яна долзарб мавзуга айланди. Кўпчилик Лоланинг «исён»ини олқишлаган ...
6 ноябр 2019
Яқинда “Шарқ зиёкори” китоб дўконидан улуғ рус ёзувчиси Лев Толстойнинг “Жахон бестселлерлари” ( аслида “жаҳон” ...
3 ноябр 2019
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...