Кундалик
28 июн 2016

Истанбулдаги бомбали ҳужумда икки ўзбек ўлди

Тошкентлик Мухиддинов Самад Муродович ва Наманган шаҳридан 22 яшар Аброржон Устабоев Аюбхон ўғли Истанбулдаги Отатурк халқаро аэропортида юз берган ҳужумда нобуд бўлган.

rasm1612
Аброр Устабоевнинг Одноклассники тармоғига қўйган сурати

Аброржон Устабоевнинг паспорти расмини эълон қилган haberturk агентлигининг ëзишича, 22 ёшли Ўзбекистон фуқароси Устабоев аэропортга келиб, таксидан тушган пайтда портлаш содир бўлган ва у ўша жойда жон берган.

Тошкентлик Самад Муҳиддиновнинг портлаш пайтида аэропорт ичкарисида бўлгани айтилди.

Консулхонада сансоларлик боис жасадлар пайшанба куни ҳам Истанбул моргидан олиб кетилмаган.

Портлаш ва отишмада ярадор бўлган ўзбеклар сони 4 нафар экани билдирилганди.

Истанбул ҳужумида яраланган ўзбекистонлик 4 кишидан бирининг исми-шарифи Рифат Салимов экани ҳақида Қирғизистон Ташқи ишлар вазирлиги маълумот тарқатди.

Террорчилар автоматдан ўт очган пайтда оëғига ўқ теккан Равшан исмли йигитнинг Истанбул касалхоналаридан бирида даволанаëтгани ҳақида eltuz.com мухбирига унинг яқин дўстларидан бири маълум қилди.

Истанбулда истиқомат қилаëтган Ўзбекистонлик ëзувчи Нурилла Отахонов ўз микроблогида касалхонада қолаëтган ўзбек ярадорларини зиëрат қилганлигини ëзди.

Истанбулдаги Отатурк аэропортида юз берган теракт оқибатида ҳалок бўлган 36 кишидан 28 нафарининг шахси аниқлаштирилган.

Сўнгги маълумотларга кўра, теракт оқибатида 36 киши ҳалок бўлган, 147 киши жароҳатланган.

Eltuz.com

Тағин ўқинг
4 апрел 2015
Ислом Каримовнинг жирканиш ҳиссини кўпроқ қўзитиш учун, Швецияда яшовчи журналист Қудрат Бобожонов, қўлига супурги олиб Стокҳолм кўчаларини супура бошлади. ...
19 сентябр 2022
Эстония, Латвия, Литва ва Польша  19 сентябрдан эътиборан туристик Шенген визаси бўлган россияликларни мамлакатга киритмаслик амалиётини йўлга қўйди. Улар ...
3 ноябр 2016
Кейинги йилларда Ўзбекистонда пахта йиғим-терими даврида мажбурий меҳнат мониторингини амалга ошириб келаеётган Халқаро Меҳнат ташкилоти (ILO) кузатувчилари муаммолар анча ...
10 май 2021
Хоразмнинг Хива туманида бир камбағал бева аёлнинг ўғли номига олинган 30 миллион сўм кредит маҳалла раиси ва ўқитувчи дохил ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...