Asosiy mavzular
25 may 2024

25 may – Yo‘qolgan bolalar xalqaro kuni

2010 yilda 25 may sanasi National Center for Missing and Exploited Children – NCMEC tashkiloti tashabbusi bilan Yo‘qolgan bolalar xalqaro kuni sifatida belgilangan.

Bolalar jamiyatning himoyaga eng muhtoj, eng zaif qatlami sanaladi. Odam savdosi va inson a'zolari noqonuniy transplantatsiyasi bilan bog‘liq jinoyat bolalarni ham o‘z domiga tortayotgani esa eng dahshatli hodisadir.

O‘zbekistonda bolalar yo‘qolmaydimi?

Shu paytgacha O‘zbekistonda yo‘qolgan bolalar soni to‘g‘risida rasmiy ma'lumotlar yo‘q. O‘zbek matbuotida bola yo‘qolganiga oid e'lon berilgach, bolaning keyingi taqdirini surishtirish an'anasi ham tajribada deyarli qo‘llanilmaydi.

Biroq keyingi kunlarda bolalarning yo‘qolishi va undan ham dahshatli voqealar tez-tez quloqqa chalinmoqda. Masalan, 2018 yilning martida Quvasoy ichki ishlar bo‘limi 2 yashar Muhammadsodiq No‘'monjonovning yo‘qolgani haqida xabar bergan edi.

2019 yilning fevralida esa Farg‘ona viloyatining Oltiariq tumanida 5 yashar Kibriyoxon ismli qizcha o‘g‘irlangan, keyinchalik uning jonsiz jasadi u boradigan bog‘chadan 8 kilometr naridagi Oqbo‘yra qishlog‘idan topilgan edi.

rasm1472Internetdagi qidiruv tizimlari orqali shunday e'lonlarning biri 2016 yilning 10 aprelida chop etilgan ekan.

DIQQAT, OGOH BO’LING!!! Hurmatli do’stlar, sizlar quyida ko’rib turgan shiringina qizaloq Andijon viloyati Asaka shfhrida istiqomat qilar edi. Endigina 1-sinfga qadam qo’ygan edi. Kimlardir tomonidan o’g’irlab ketilgan yoki bedarak yo’qolgan. Kimda kim shu qizaloqni ko’rgan yoki qanaqadir shunga o’shash ma’lumotga ega bo’lsa, rasm tagidagi telefon raqamiga yoki yaqin o’rtadagi ichki ishlar bo’limiga xabar berishlari so’raladi. Qadrdonlar bir birimizga e’tiborli bo’laylik, zero har bir bola bizning farzandlarimiz, bizning kelajagimiz. (foto)

Bu qizaloq haqida deyarli barcha ijtimoiy tarmoqlarda xabar tarqaldi.

Biroq Asaka shahridagi 55-maktabining 1-sinfda ta'lim olgan va 6 aprel kuni maktabdan chiqib ketib uyiga bormagan Yoqutxon Rustamjonovaning taqdiri haligacha noma'lum.

2015 yilning sentyabr oyida esa Eltuz.com Andijon viloyatining Marhamat tumanida 1-sinfning ikki o‘quvchisi “Neksiya” avtomobilida olib qochib ketilganligini xabar qilgan edi.

Shuningdek, 2015 yilning mart oyida Andijon viloyati Shahrixon tumanida 8 yashar Nodirbek Yo‘ldoshev bedarak yo‘qolgani haqida xabar tarqalgandi.

Toshkent viloyatining Chirchiq shahrida ham Shohro‘z ismli bola yo‘qolib qolganligi  haqida “Ozodlik” radiosi ichki ishlar boshqarmasidan iqtibos keltirib xabar berdi.

rasm718
Eltuz.com nashri ilgari ham o‘z bolalarini sotishga urinish illatini qoralab chiqqan edi.

Qarshi shahrida istiqomat qiluvchi ikki yoshli So‘g‘diyona Salimova ham yo‘qolgan bolalar ro‘yxatiga tushgan.

Bundan tashqari, Toshkent shahrining Sergeli dahasida ham yo‘qolgan bola haqidagi ma'lumotlar  ijtimoiy tarmoqlarda ko‘p bahs-munozaraga sabab bo‘ldi.

Buxoroning Kogon tumanida 11 yashar qizaloqning jasadi topilganligi haqida ham xabarlar berilgan.

Bu hodisa Buxoroda “bolalarni ichki a'zolarini olib-sotish bilan shug‘ullanuvchi jinoiy to‘da paydo bo‘lganligi haqida”gi mish-mishlar tarqalishiga sabab bo‘lgan.

Bular keyingi ikki-uch yilda O‘zbekistonda yo‘qolgan bolalar haqidagi ijtimoiy tarmoqda paydo bo‘lgan xabarlarning ayrimlari, xolos. Biz O‘zbekistonda yo‘qolgan bolalarning keyingi taqdiri haqida hech narsa bilmaymiz, aslida mamlakatda yo‘qolgan va yo‘qolayotgan bolalar soni bundan ham ko‘p bo‘lishi mumkin.

Nasima Davron qizi >
Eltuz.com

Tag‘in o‘qing
17 may 2019
Axborot va ommaviy kommunikatsiyalar agentligi rahbari Komil Allamjonov 15 may kuni feysbuk sahifasida ayrim saytlardan to‘siqlar olingani iddaosi ortidan ...
3 dekabr 2020
Namanganning yangi hokimi Shavkat Abdurazzaqov MIB xodimlari tomonidan uyidan chiqarilishiga norozilik sifatida o‘zini yoqib halok bo‘lgan Gulandom Dadaboevaning onasi ...
21 aprel 2017
O‘zbek nashrlari barcha savdo sub'ektlarida kassa apparati joriy etilishi haqidagi prezident qarori ijrosi haqida yozarkan, tadbirkorlar va banklar o‘rtasidagi ...
5 mart 2019
Shu kunlarda ba'zi bir ishlar bilan band bo‘lganim sababidan kanalga yozishga vaqtim bo‘lmayapti. Ammo Navoiy tili haqidagi postlardan so‘ng ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...